ತಮಿಳುನಾಡಿಗೆ ನೀಡಬೇಕಾದ ಅನುದಾನವನ್ನು ತಡೆಹಿಡಿದಿರುವ ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರದ ವಿರುದ್ಧ ನಟ-ರಾಜಕಾರಣಿ ಕಮಲ್ ಹಾಸನ್ ತೀವ್ರವಾಗಿ ವಾಗ್ದಾಳಿ ನಡೆಸಿದರು. ತಮಿಳುನಾಡಿನ ಈರೋಡ್‌ನಲ್ಲಿ ಡಿಎಂಕೆ ಅಭ್ಯರ್ಥಿ ಕೆಇ ಪ್ರಕಾಶ್ ಪರ ಪ್ರಚಾರ ನಡೆಸುತ್ತಿರುವ ಕಾರಣ ಹಲವು ಕಾರಣಗಳಿಂದಾಗಿ ತಮ್ಮ ಪಕ್ಷವನ್ನು ಆಡಳಿತಾರೂಢ ಡಿಎಂಕೆಯೊಂದಿಗೆ ಜೋಡಿಸಲು ನಿರ್ಧರಿಸಿದ್ದಾರೆ ಎಂದು ಮಕ್ಕಳ್ ನೀಧಿ ಮೈಯಂ (ಎಂಎನ್‌ಎಂ) ಮುಖ್ಯಸ್ಥರು ಹೇಳಿದ್ದಾರೆ.
ಕೇಂದ್ರವು ರಾಜ್ಯಕ್ಕೆ ಕನಿಷ್ಠ ಅನುದಾನ ನೀಡಿದೆ ಎಂದು ಹೇಳಿದ ಕಮಲ್ ಹಾಸನ್, ಕೇಂದ್ರ ಸರ್ಕಾರಕ್ಕೆ ನೀಡಿದ ಪ್ರತಿ ರೂಪಾಯಿಯಲ್ಲಿ ಕೇವಲ 29 ಪೈಸೆಯನ್ನು ಮಾತ್ರ ರಾಜ್ಯಕ್ಕೆ ಹಿಂದಿರುಗಿಸಿದೆ ಎಂದು ಆರೋಪಿಸಿದರು. ಆದರೆ, ಬಿಹಾರದಂತಹ ರಾಜ್ಯಗಳು ಪ್ರತಿ ರೂಪಾಯಿಗೆ ಹೆಚ್ಚು ಹಣವನ್ನು ಪಡೆಯುತ್ತವೆ ಎಂದು ಅವರು ಹೇಳಿದರು.
ಕೇಂದ್ರದಿಂದ ಸಂಗ್ರಹವಾದ ತೆರಿಗೆ ಆದಾಯವು ಅಲ್ಲಿನ “ಸಹೋದರರಿಗೆ” ತಲುಪಿದೆಯೇ ಎಂದು ತಿಳಿದಿಲ್ಲ. ಏಕೆಂದರೆ, ಅವರು ಕೂಡ “ಕೂಲಿ” ಕೆಲಸಕ್ಕಾಗಿ ತಮಿಳುನಾಡಿಗೆ ಬರುತ್ತಾರೆ. ಹಾಗಾದರೆ ಅನುದಾನ ಎಲ್ಲಿಗೆ ಹೋಗುತ್ತಿದೆ? (ತಮಿಳುನಾಡಿನಿಂದ ತೆರಿಗೆ ಸಂಗ್ರಹಿಸಿ ಕೇಂದ್ರಕ್ಕೆ ಕೊಡುಗೆ) ಎಂದು ಕಮಲ್ ಹಾಸನ್ ಪ್ರಶ್ನಿಸಿದ್ದಾರೆ.
ದೇಶದಿಂದ ಈಸ್ಟ್ ಇಂಡಿಯಾ ಕಂಪನಿಯನ್ನು ಹೊರಹಾಕಿದರೂ, ಈಗ ಪಶ್ಚಿಮ ಭಾರತದಿಂದ ಒಂದು ಕಂಪನಿ ಬಂದಿದೆ. “ಇದು ಗಾಂಧೀಜಿ ಜನಿಸಿದ ಸ್ಥಳ” ಎಂದು ಅವರು ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರು ಹೇಳಿದೆ ವಾಗ್ದಾಳಿ ನಡೆಸಿದರು.
ಇದನ್ನೂ ಓದಿ; ‘ನಿಮ್ಮ ಪಕ್ಷದಲ್ಲಿ 261 ರೌಡಿಗಳಿದ್ದಾರೆ..’; ಪ್ರಧಾನಿ ಮೋದಿ ವಿರುದ್ಧ ಎಂಕೆ ಸ್ಟಾಲಿನ್ ವಾಗ್ದಾಳಿ
