ಪಾಲ್ಘಾರ್ ಲಿಂಚಿಂಗ್‌ಗೆ ಸಂಬಂಧಿಸಿದಂತೆ ಹಿಂದೂ ಮುಸ್ಲಿಮರ ನಡುವೆ ಕೋಮು ದ್ವೇಷ ಉಂಟುಮಾಡುವ ಮತ್ತು ಸುಳ್ಳು ಮಾಹಿತಿ ನೀಡಿ ಬಾಂದ್ರಾ ರೈಲು ನಿಲ್ದಾಣದ ಬಳಿ ವಲಸಿಗರನ್ನು ಸೇರಿಸಿದ್ದಕ್ಕೆ ಮುಂಬೈ ಪೊಲೀಸರು ರಿಪಬ್ಲಿಕ್ ಟಿವಿ ಪ್ರಧಾನ ಸಂಪಾದಕ ಅರ್ನಬ್ ಗೋಸ್ವಾಮಿ ಅವರಿಗೆ ಶೋಕಾಸ್ ನೋಟಿಸ್‌ನ್ನು ಹೊರಡಿಸಿದ್ದಾರೆ.
ಇದನ್ನೂ ಓದಿ: ಜಾಮಿಯಾ ವಿದ್ಯಾರ್ಥಿ ಮೇಲೆ ಗುಂಡು: ಸುಳ್ಳು ಸುದ್ದಿ ಪ್ರಸಾರ ಮಾಡಿದ ರಿಪಬ್ಲಿಕ್ ಟವಿಗೆ ಛೀಮಾರಿ…
ಅಪರಾಧ ಪ್ರಕ್ರಿಯೆ ಸಂಹಿತೆಯ ಕಲಂ 107 ಮತ್ತು 108ರ ಅಡಿಯಲ್ಲಿ ಅರ್ನಾಬ್ ವಿರುದ್ದ ‘ಚಾಪರ್ ಪ್ರೊಸೀಡಿಂಗ್’ಅನ್ನು ಏಕೆ ಆರಂಭಿಸಬಾರದು ಎಂದು ಮುಂಬೈ ಪೊಲೀಸರು ರಿಪಬ್ಲಿಕ್ ಟಿವಿ ಪ್ರಧಾನ ಸಂಪಾದಕ ಅರ್ನಬ್ ಗೋಸ್ವಾಮಿ ಅವರಿಗೆ ಶೋಕಾಸ್ ನೋಟಿಸ್‌ನ್ನು ಹೊರಡಿಸಿದ್ದಾರೆ. ಚಾಪ್ಟರ್ ಪ್ರೊಸೀಡಿಂಗ್‌ನಡಿ ಪೊಲೀಸರು ಯಾವುದೇ ನಾಗರಿಕನಿಂದ ಮೂರು ವರ್ಷಗಳವರೆಗೆ ಸದ್ವರ್ತನೆಯ ಬಾಂಡ್ ಅನ್ನು ಪಡೆದುಕೊಳ್ಳಬಹುದಾಗಿದೆ ಎಂದು ಸ್ಕ್ರಾಲ್‌.ಇನ್ ವರದಿ ಮಾಡಿದೆ.
ಇದನ್ನೂ ಓದಿ: ಅರ್ನಾಬ್ ಗೋಸ್ವಾಮಿ ಮತ್ತು ರಿಪಬ್ಲಿಕ್ ಟಿವಿ: ಏನಾಗುತ್ತಿದೆ ಈ ದೇಶದಲ್ಲಿ?
ಅಕ್ಟೋಬರ್16 ರಂದು ವಿಚಾರಣೆಗೆ ಹಾಜರಾಗುವಂತೆ ವರ್ಲಿ ವಿಭಾಗದ ಎಸಿಪಿ ಸುಧೀರ್ ಜಾಂಬವಾಡೇಕರ್ ಅರ್ನಾಬ್‌ಗೆ ನೀಡಿದ ನೋಟಿಸಿನಲ್ಲಿ ಸೂಚಿಸಿದ್ದಾರೆ.
ಮಹಾರಾಷ್ಟ್ರದ ಪಾಲ್ಘಾರ್ ಜಿಲ್ಲೆಯಲ್ಲಿ ಸಾಧುಗಳ ಹತ್ಯೆ ಮತ್ತು ಲಾಕ್‌ಡೌನ್ ಸಂದರ್ಭದಲ್ಲಿ ಬಾಂದ್ರಾ ರೈಲು ನಿಲ್ದಾಣದಲ್ಲಿ ವಲಸೆ ಕಾರ್ಮಿಕರ ಜಮಾವಣೆ ಘಟನೆಗಳ ಆಕ್ಷೇಪಾರ್ಹ ಸುದ್ದಿ ಪ್ರಸಾರವನ್ನು ಮಾಡಿದ್ದು ಮತ್ತು ಕೋಮು ಉದ್ವಿಗ್ನತೆಯನ್ನು ಪ್ರಚೋದಿಸಲು ಪ್ರಯತ್ನಿಸಿದ್ದಾರೆ ಎಂದು ನೋಟಿಸ್‌ನಲ್ಲಿ ಉಲ್ಲೇಖಿಸಲಾಗಿದೆ.
ಇದನ್ನೂ ಓದಿ: TRP ತಿರುಚಿದ ಆರೋಪ; ರಿಪಬ್ಲಿಕ್ ಸೇರಿ 3 ಚಾನೆಲ್‌ಗಳ ಮೇಲೆ ತನಿಖೆ!
ಅರ್ನಾಬ್ ವಿರುದ್ಧ ಈಗಾಗಲೇ ಮುಂಬೈನ ಎನ್‌ಎಂ ಜೋಶಿ ಮಾರ್ಗ ಮತ್ತು ವೈಧೋನಿ ಪೊಲೀಸ್ ಠಾಣೆಗಳಲ್ಲಿ ಎರಡು ಪ್ರತ್ಯೇಕ ಎಫ್‌ಐಆರ್‌ಗಳು ದಾಖಲಾಗಿದ್ದು, ಕೋಮು ದ್ವೇಷ ಆರೋಪಗಳನ್ನು ಮಾಡಲಾಗಿದೆ.
ಇದು ಮಹಾರಾಷ್ಟ್ರ ಸರ್ಕಾರದ ದುರುದ್ದೇಶಪೂರಿತ ಸಂಚು ಎಂದು ಕರೆದಿರುವ ರಿಪಬ್ಲಿಕ್ ಟಿವಿ, “ಸುಪ್ರೀಂ ಕೋರ್ಟ್ ಮತ್ತು ಹೈಕೋರ್ಟ್‌ ಈಗಾಗಲೆ ಇದಕ್ಕೆ ಸಂಬಂಧಿಸಿದಂತೆ ಕ್ರಮ ಕೈಗೊಂಡಿದ್ದಾಗ್ಯೂ, ಈಗ ಶೋಕಾಸ್ ನೊಟೀಸ್ ನೀಡಿರುವುದು ಕಾನೂನು ಬಾಹಿರ” ಎಂದು ಕರೆದಿದೆ.
ಇದನ್ನೂ ಓದಿ: ಮತ್ತೆ ವಿಚಾರಣೆಗೆ ಹಾಜರಾಗುವಂತೆ ಅರ್ನಾಬ್‌ಗೆ ನೋಟಿಸ್ ನೀಡಿದ ಮುಂಬೈ ಪೊಲೀಸ್
