ಬಸ್ಸು, ಕಾರುಗಳು ಸ್ಟಾರ್ಟ್ ಆಗದಿದ್ದಾಗ, ಅಥವಾ ಪಂಕ್ಚರ್ ಆದಾಗ ಜನರು ಕೆಳಗಿಳಿದು ತಳ್ಳುವುದನ್ನು ನೋಡಿದ್ದೇವೆ. ಆದರೆ ನೀವು ವಿಮಾನ ತಳ್ಳುವುದನ್ನು ನೋಡಿದ್ದೀರಾ? ಇಲ್ಲವಾದರೆ ಇಲ್ಲಿ ನೋಡಿ, ವಿಮಾನವೊಂದರಿಂದ ಇಳಿದ ಜನರೆಲ್ಲರೂ ಸೇರಿ ಅದನ್ನು ತಳ್ಳುವ ವಿಡಿಯೋವನ್ನು!
ನೇಪಾಳದ ಬಾಜುರಾ ವಿಮಾನ ನಿಲ್ದಾಣದಲ್ಲಿ ತಾರಾ ಏರ್‌ಲೈನ್ಸ್ ವಿಮಾನವೊಂದು ಲ್ಯಾಂಡ್ ಆದ ನಂತರ ಟ್ಯಾಕ್ಸಿ ವೇ ವರೆಗೆ ತೆರಳುವಾಗ ಟೈರ್ ಸ್ಫೋಟಗೊಂಡ ನಂತರ ಪ್ರಯಾಣಿಕರು ಇಳಿದು ವಿಮಾನವನ್ನು ರನ್‌ವೇಯಿಂದ ತಳ್ಳಿದ್ದಾರೆ. ಇದರಿಂದ ವಿಮಾನ ಸ್ಟಾರ್ಟ್ ಆಗಿ ಹಾರುತ್ತದೆಯೇ! ಒಂದು ವೇಳೆ ಹಾರಿಬಿಟ್ಟರೆ ಕೆಳಗಿರುವ ಜನರ ಕಥೆಯೇನು ಎಂದು ನೀವು ಕೇಳಬಹುದು. ಆದರೆ ವಿಮಾನ ಹಾರುವುದಿಲ್ಲ. ಬದಲಿಗೆ ಅದೇ ವೇಳೆಗೆ ಇನ್ನೊಂದು ವಿಮಾನ ಅದೇ ಜಾಗದಲ್ಲಿ ಲ್ಯಾಂಡ್ ಆಗಬೇಕಿದ್ದರಿಂದ ಅದಕ್ಕೆ ಜಾಗ ಮಾಡಿಕೊಡಲು ಪ್ರಯಾಣಿಕರು ರನ್‌ವೇಯಿಂದ ಟ್ಯಾಕ್ಸಿ ವೇ ವರೆಗೆ ತಳ್ಳಿದ್ದಾರೆ ಅಷ್ಟೇ.
ಈ ವಿಡಿಯೋವನ್ನು ನ್ಯೂಯಾರ್ಕ್ ಟೈಮ್ಸ್‌ನ ನೇಪಾಳ ವರದಿಗಾರರಾದ ಭದ್ರ ಶರ್ಮಾರವರು ಇದು ನೇಪಾಳದಲ್ಲಿ ಮಾತ್ರ ಸಾಧ್ಯ ಎಂಬ ಶೀರ್ಷಿಕೆಯೊಂದಿಗೆ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಗರುಡ ಗಮನ ವೃಷಭ ವಾಹನ: ಶತಮಾನಗಳ ಜಾನಪದ ಹಾಡಿನ ಸಾಂಸ್ಕೃತಿಕ ಮೌಲ್ಯವನ್ನು ಹಿಂಸೆಯ ಸಂಭ್ರಮಕ್ಕೆ ಬದಲಾಯಿಸುವುದು ಸರಿಯೆ?
