“ಅಗತ್ಯ ಸರಕು ತಿದ್ದುಪಡಿ ಕಾಯ್ದೆ 2020” ಅನ್ನು ಜಾರಿಗೆ ತರಲು ಸರ್ಕಾರವನ್ನು ಕೇಳಿದ ಸ್ಥಾಯಿ ಸಮಿತಿಯ ವರದಿಯನ್ನು ಲೋಕಸಭೆಯಲ್ಲಿ ಮಂಡಿಸಿದ ನಂತರ, ಸಮಿತಿಯ ಭಾಗವಾಗಿರುವ ಕಾಂಗ್ರೆಸ್ ಸಂಸದರು ಅದರಿಂದ ಅಂತರ ಕಾಪಾಡಿಕೊಳ್ಳಲು ಯತ್ನಿಸಿದರು ಎಂದು ಸಂಡೇ ಎಕ್ಸ್‌ಪ್ರೆಸ್ ವರದಿ ಮಾಡಿದೆ.
ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಎಲ್ಲಾ ಮೂರು ಕೃಷಿ ಕಾನೂನುಗಳನ್ನು ಹಿಂತೆಗೆದುಕೊಳ್ಳಬೇಕೆಂದು ಕರೆ ನೀಡಿದ್ದು, ಕಾಂಗ್ರೆಸ್ ಮುಖಂಡ ಜೈರಾಮ್ ರಮೇಶ್ ಈ ವರದಿಯನ್ನು “ತಪ್ಪು ನಿರೂಪಣೆ” ಎಂದು ಕರೆದಿದ್ದಾರೆ. ಟಿಎಂಸಿ ರಾಜ್ಯಸಭಾ ಸದಸ್ಯ ಡೆರೆಕ್ ಒ’ಬ್ರೇನ್ ಇದನ್ನು ‘ವಂಚನೆಯ ಕೆಲಸ’ ಎಂದು ಕರೆದರು.
ಮಾರ್ಚ್ 18 ರಂದು ನಡೆದ ಸಮಿತಿ ಸಭೆಯ ಅಧ್ಯಕ್ಷತೆ ವಹಿಸಿದ್ದ ಬಿಜೆಪಿ ಸಂಸದ ಅಜಯ್ ಮಿಶ್ರಾ ತೇನಿ, ಎಲ್ಲ ಸದಸ್ಯರ ಒಮ್ಮತದಿಂದ ವರದಿಯನ್ನು ಅಂಗೀಕರಿಸಲಾಗಿದೆ ಎಂದು ಹೇಳಿದರು.
ರೈತರು ಪ್ರತಿಭಟಿಸುತ್ತಿರುವ ಮೂರು ವಿವಾದಾತ್ಮಕ ಕಾನೂನುಗಳಲ್ಲಿ ಈ ಕಾಯಿದೆಯು ಒಂದು. ಟಿಎಂಸಿ, ಎಎಪಿ, ಎನ್‌ಸಿಪಿ ಮತ್ತು ಶಿವಸೇನೆ ಸದಸ್ಯರು ಕೂಡ ಸಮಿತಿಯ ಭಾಗವಾಗಿದ್ದಾರೆ.
ಲೋಕಸಭಾ ಸ್ಪೀಕರ್ ಓಂ ಬಿರ್ಲಾ ಅವರಿಗೆ ಬರೆದ ಪತ್ರದಲ್ಲಿ ಕಾಂಗ್ರೆಸ್ ಸಂಸದ ಸಪ್ತಗಿರಿ ಶಂಕರ್ ಉಲಕಾ (ಕೊರಪುತ್), “ಆಹಾರ, ಗ್ರಾಹಕ ವ್ಯವಹಾರ ಮತ್ತು ಸಾರ್ವಜನಿಕ ವಿತರಣೆಯ ಸ್ಥಾಯಿ ಸಮಿತಿಯ ಹನ್ನೊಂದನೇ ವರದಿಯಿಂದ ನನ್ನನ್ನು ಬೇರ್ಪಡಿಸಲು ನಾನು ನಿಮಗೆ ಬರೆಯುತ್ತೇನೆ. ಅದರ ಶಿಫಾರಸಿಗೆ ನನ್ನ ವಿರೋಧವಿದೆ. ಮೂರು ಕೃಷಿ ಕಾಯ್ದೆಗಳು ರದ್ದಾಗಬೇಕು ಎಂಬ ಪಕ್ಷದ ನಿಲುವಿಗೆ ಈಗಲೂ ಬದ್ಧನಾಗಿದ್ದೇನೆ’ ಎಂದಿದ್ದಾರೆ.
ಮಾರ್ಚ್ 20 ರಂದು ಉಲಕಾ ಅವರ ಎರಡು ಪುಟಗಳ ಪತ್ರವನ್ನು ರಾಜ್ಯಸಭೆಯ ಅಧ್ಯಕ್ಷರು ಮತ್ತು ಆಹಾರ, ಗ್ರಾಹಕ ವ್ಯವಹಾರ ಮತ್ತು ಸಾರ್ವಜನಿಕ ವಿತರಣೆಯ ಸ್ಥಾಯಿ ಸಮಿತಿಯ ಅಧ್ಯಕ್ಷರಿಗೂ ಕಳುಹಿಸಲಾಗಿದೆ.
“ವಾಸ್ತವವಾಗಿ, 16.12.2020 ರಂದು ನಡೆದ ಸಭೆಯಲ್ಲಿ, ಮೂರು ಕೃಷಿ ಕಾನೂನುಗಳ ವಿರುದ್ಧ ಗೌರವಾನ್ವಿತ ಅಧ್ಯಕ್ಷರು ಮತ್ತು ಸಮಿತಿಯ ಸದಸ್ಯರಿಗೆ ನನ್ನ ವಿರೋಧವನ್ನು ವ್ಯಕ್ತಪಡಿಸಿದ್ದೆ” ಎಂದು ಉಲಕಾ ಹೇಳಿದರು.
ಉಲಕಾ ಅವರು, “ವಿಷಯದ ಕರಡು ವರದಿಯನ್ನು 17.03.2021 ರಂದು 19:00 ಗಂಟೆಗೆ ಸಮಿತಿಯ ಸಂಬಂಧಿತ ವಿಭಾಗವು ಇ-ಮೇಲ್ ಮೂಲಕ ಮಾತ್ರ ಪ್ರಸಾರ ಮಾಡಿತು ಮತ್ತು 18.03.2021 ರಂದು 10:00 ಗಂಟೆ ಮತ್ತು 10:30 ಗಂಟೆಯ ನಡುವೆ ಅಂಗೀಕರಿಸಿತು. ಕಾರ್ಯಕಾರಿ ಅಧ್ಯಕ್ಷ ಬಿಜೆಪಿ ಎಂಪಿ ಅಜಯ್ ಮಿಶ್ರಾ ಟೆನಿ ಅವರ ಅಡಿಯಲ್ಲಿ ಇದು ಸಂಭವಿಸಿದೆ’ ಎಂದಿದ್ದಾರೆ.
ತಮ್ಮ ಭಿನ್ನಾಭಿಪ್ರಾಯವನ್ನು ದಾಖಲಿಸದೆ ವರದಿಯನ್ನು ಸಂಸತ್ತಿನಲ್ಲಿ ಮಂಡಿಸಲಾಗಿದೆ ಎಂದು ಅವರು ಹೇಳಿದರು. “ಸಭೆಯನ್ನು ಕೇವಲ 15 ಗಂಟೆಗಳ ಕಿರು ಸೂಚನೆಯಲ್ಲಿ ಕರೆಯಲಾಗಿದ್ದರಿಂದ ವರದಿಯನ್ನು ಅಂಗೀಕರಿಸಿದಾಗ ನಾನು ಹಾಜರಿರಲಿಲ್ಲ …” ಎಂದು ಅವರು ಹೇಳಿದರು.
“ಆದ್ದರಿಂದ, ಅಂತಹ ಮಹತ್ವದ ವರದಿಯನ್ನು ಬಹಳ ಕಡಿಮೆ ನೋಟಿಸ್‌ನಲ್ಲಿ ಪ್ರಸಾರ ಮಾಡಲಾಯಿತು ಮತ್ತು ಯಾವುದೇ ಭಿನ್ನಮತದ ಅಭಿಪ್ರಾಯವನ್ನು ದಾಖಲಿಸದೆ ಸಂಸತ್ತಿನಲ್ಲಿ ಮಂಡಿಸಲಾಯಿತು. ಇದು ಅಪ್ರಜಾತಾಂತ್ರಿಕ ಕ್ರಮವಾಗಿದೆ’ ಎಂದು ಉಲಕಾ ವಿವರಿಸಿದ್ದಾರೆ.
ವರದಿಯನ್ನು ಅಂಗೀಕರಿಸಿದ ದಿನವಾದ ಮಾರ್ಚ್ 18 ರಂದು ನಡೆದ ಸಮಿತಿ ಸಭೆಯಲ್ಲಿ ಭಾಗವಹಿಸಿದ ಸದಸ್ಯರ ಪಟ್ಟಿಯಲ್ಲಿ ಲೋಕಸಭಾ ವೆಬ್‌ಸೈಟ್ ಉಲಕಾ ಅವರ ಹೆಸರನ್ನು ಉಲ್ಲೇಖಿಸುತ್ತದೆ.
ಕಾಸರಗೋಡಿನ ಕಾಂಗ್ರೆಸ್ ಲೋಕಸಭಾ ಸಂಸದ ರಾಜಮೋಹನ್ ಉನ್ನಿತಾನ್ ಅವರು ಲೋಕಸಭಾ ಸ್ಪೀಕರ್, ರಾಜ್ಯಸಭಾ ಅಧ್ಯಕ್ಷ ಮತ್ತು ಆಹಾರ, ಗ್ರಾಹಕ ವ್ಯವಹಾರ ಮತ್ತು ಸಾರ್ವಜನಿಕ ವಿತರಣೆಯ ಸ್ಥಾಯಿ ಸಮಿತಿಯ ಅಧ್ಯಕ್ಷರಿಗೆ ವರದಿಗೆ ತಮ್ಮ ವಿರೋಧ ವ್ಯಕ್ತಪಡಿಸಿ ಪತ್ರ ಬರೆದಿದ್ದಾರೆ.
ಕೋರಂ ಕೊರತೆಯಿಂದಾಗಿ ಸಮಿತಿಯ ಸಭೆಯನ್ನು ಎರಡು ಬಾರಿ ಮುಂದೂಡಲಾಗಿದೆ ಎಂದು ಉನ್ನಿತಾನ್ ತಿಳಿಸಿದ್ದಾರೆ. “ಈ ಬಾರಿ ಅವರು ಮಾರ್ಚ್ 17 ರಂದು ಸಭೆ ನಡೆಸಿದರು, ನನಗೆ ಹಾಜರಾಗಲು ಸಾಧ್ಯವಾಗಲಿಲ್ಲ. ವರದಿಯಿಂದ ನನ್ನನ್ನು ಬೇರ್ಪಡಿಸಲು ನಾನು ಸ್ಪೀಕರ್‌ಗೆ ಪತ್ರ ಬರೆದಿದ್ದೇನೆ” ಎಂದು ಅವರು ಹೇಳಿದ್ದಾರೆ.
ಮೂರು ಕೃಷಿ ಕಾನೂನುಗಳನ್ನು ರದ್ದುಗೊಳಿಸುವ ತಮ್ಮ ಬೇಡಿಕೆಯನ್ನು ಪುನರುಚ್ಚರಿಸಿದ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ, “ಈ ರೈತ ವಿರೋಧಿ ಸರ್ಕಾರ ಎಲ್ಲಾ ಮೂರು ಕಾನೂನುಗಳನ್ನು ಹಿಂತೆಗೆದುಕೊಳ್ಳಬೇಕು. 56 ಅನ್ನು ಮರೆತುಬಿಡಿ, ನಾವು ಒಂದು ಇಂಚು ಸಹ ಹಿಂದೆ ಸರಿಯುವುದಿಲ್ಲ” ಎಂದಿದ್ದಾರೆ.
ಇದನ್ನೂ ಓದಿ: ಶಿವಮೊಗ್ಗದ ರೈತ ಮಹಾಪಂಚಾಯತ್‌ಗೆ ಹರಿದು ಬಂದ ರೈತಸಾಗರ: ಮೋದಿ ಸರ್ಕಾರದ ವಿರುದ್ದ ಜನಾಕ್ರೋಶ
