ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಬಿಲಿಯನೇರ್ ಸ್ನೇಹಿತರ 16 ಲಕ್ಷ ಕೋಟಿ ರೂಪಾಯಿಗಳ ಸಾಲವನ್ನು ಮನ್ನಾ ಮಾಡಿದ್ದಾರೆ ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಬುಧವಾರ ಆರೋಪ ಮಾಡಿದ್ದು, “ಈ ಅಪರಾಧಕ್ಕಾಗಿ ದೇಶವು ಅವರನ್ನು ಎಂದಿಗೂ ಕ್ಷಮಿಸುವುದಿಲ್ಲ” ಎಂದು ಹೇಳಿದರು.
ಈ ಬಗ್ಗೆ ಎಕ್ಸ್‌ನಲ್ಲಿ ಪೋಸ್ಟ್‌ ಮಾಡಿರುವ ಅವರು, “ಈ ಹಣವನ್ನು ಭಾರತೀಯರ ನೋವನ್ನು ಗುಣಪಡಿಸಲು ಬಳಸಬಹುದಿತ್ತು. ಆದರೆ, ‘ಅದಾನಿ’ಗಳಂತಹವರಿಗೆ ಪ್ರಚೋದನೆಯನ್ನು ಸೃಷ್ಟಿಸಲು ಖರ್ಚು ಮಾಡಲಾಗಿದೆ” ಎಂದು ಹೇಳಿದ್ದಾರೆ.
“ನರೇಂದ್ರ ಮೋದಿ ಅವರು ತಮ್ಮ ಕೋಟ್ಯಾಧಿಪತಿ ಸ್ನೇಹಿತರ 1,60,00,00,00,00,00,000 ಅಂದರೆ, 16 ಲಕ್ಷ ಕೋಟಿ ರೂಪಾಯಿಗಳ ಸಾಲವನ್ನು ಮನ್ನಾ ಮಾಡಿದ್ದಾರೆ. ಇಷ್ಟು ಹಣದಿಂದ 16 ಕೋಟಿ ಯುವಕರಿಗೆ ವರ್ಷಕ್ಕೆ 1 ಲಕ್ಷ ರೂಪಾಯಿ ಉದ್ಯೋಗ ಸಿಗುತ್ತಿತ್ತು. 16 ಕೋಟಿ ಮಹಿಳೆಯರಿಗೆ ವರ್ಷಕ್ಕೆ 1 ಲಕ್ಷ ರೂಪಾಯಿ ನೀಡುವ ಮೂಲಕ 10 ಕೋಟಿ ರೈತ ಕುಟುಂಬಗಳ ಸಾಲ ಮನ್ನಾ ಮಾಡುವ ಮೂಲಕ ಅವರ ಕುಟುಂಬಗಳ ಬದುಕನ್ನು ಬದಲಾಯಿಸಬಹುದಿತ್ತು” ಎಂದಿದ್ದಾರೆ.
नरेंद्र मोदी ने अपने अरबपति मित्रों का 1,60,00,00,00,00,000 मतलब 16 लाख करोड़ रुपया कर्ज़ा माफ किया है!
इतने पैसों से:
– 16 करोड़ युवाओं को 1 लाख रू साल की नौकरी मिल सकती थी
– 16 करोड़ महिलाओं को 1 लाख रू साल देकर उनके परिवारों की जिंदगी बदली जा सकती थी
– 10 करोड़ किसान…
— Rahul Gandhi (@RahulGandhi) April 24, 2024
“ಇಡೀ ದೇಶಕ್ಕೆ ಕೇವಲ ₹400ಕ್ಕೆ 20 ವರ್ಷಕ್ಕಾಗುವಷ್ಟು ಗ್ಯಾಸ್ ಸಿಲಿಂಡರ್ ನೀಡಬಹುದಿತ್ತು. ಭಾರತೀಯ ಸೇನೆಯ ಸಂಪೂರ್ಣ ವೆಚ್ಚವನ್ನು 3 ವರ್ಷಗಳ ಕಾಲ ಭರಿಸಬಹುದಿತ್ತು. ದಲಿತ, ಹಿಂದುಳಿದ ಸಮಾಜ, ಬುಡಕಟ್ಟು ಮತ್ತು ಪ್ರತಿ ಯುವಕನಿಗೆ ಪದವಿವರೆಗಿನ ಶಿಕ್ಷಣವನ್ನು ಉಚಿತವಾಗಿ ನೀಡಬಹುದಿತ್ತು” ಎಂದು ತಮ್ಮ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.
“ಭಾರತೀಯರ ನೋವನ್ನು ಗುಣಪಡಿಸಲು ಬಳಸಬಹುದಾದ ಹಣವನ್ನು ‘ಅದಾನಿ’ಗಳಂತಹವರಿಗೆ ಪ್ರಚಾರ ಮಾಡಲು ಖರ್ಚು ಮಾಡಲಾಗಿದೆ. ಈ ಅಪರಾಧವನ್ನು ದೇಶವು ನರೇಂದ್ರ ಮೋದಿಯವರನ್ನು ಎಂದಿಗೂ ಕ್ಷಮಿಸುವುದಿಲ್ಲ” ಎಂದು ಹೇಳಿದರು.
“ಈಗ ಪರಿಸ್ಥಿತಿ ಬದಲಾಗಲಿದೆ; ಪ್ರತಿಯೊಬ್ಬ ಭಾರತೀಯನ ಪ್ರಗತಿಗಾಗಿ ಕಾಂಗ್ರೆಸ್ ಸರ್ಕಾರವನ್ನು ನಡೆಸುತ್ತದೆ” ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ.
