ಶನಿವಾರ ರಾತ್ರಿ (ಫೆಬ್ರವರಿ 15, 2025) ಪಂಜಾಬ್‌ನ ಅಮೃತಸರ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂದಿಳಿದ ಅಮೆರಿಕದ ವಿಮಾನದಲ್ಲಿದ್ದ 116 ದಾಖಲೆರಹಿತ ಭಾರತೀಯ ವಲಸಿಗರನ್ನು ಅಮೆರಿಕದಿಂದ ಗಡೀಪಾರು ಮಾಡುವಾಗ ಪ್ರಯಾಣದ ಸಮಯದಲ್ಲಿ ಕೈಕೋಳ ಮತ್ತು ಸರಪಳಿಗಳಿಂದ ಬಂಧಿಸಲಾಯಿತು.
ಹೋಶಿಯಾರ್‌ಪುರದಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಗಡೀಪಾರು ಮಾಡಿದವರಲ್ಲಿ ಒಬ್ಬರಾದ ದಲ್ಜಿತ್ ಸಿಂಗ್, ಅಮೆರಿಕದಿಂದ ಅಮೃತಸರಕ್ಕೆ ಹೋಗುವ ದಾರಿಯಲ್ಲಿ ಗಡೀಪಾರು ಮಾಡಿದವರನ್ನು ವಿಮಾನದಲ್ಲಿ ಕೈಕೋಳ ಹಾಕಲಾಗಿತ್ತು, ನಮ್ಮ ಕಾಲುಗಳನ್ನು ಸರಪಳಿಗಳಿಂದ ಬಂಧಿಸಲಾಗಿತ್ತು ಎಂದು ಹೇಳಿದರು.
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇತ್ತೀಚೆಗೆ ಅಕ್ರಮ ವಲಸಿಗರ ವಿರುದ್ಧ ಕಠಿಣ ಕ್ರಮ ಕೈಗೊಂಡ ನಂತರ 116 ಭಾರತೀಯ ನಾಗರಿಕರ ಎರಡನೇ ಗುಂಪನ್ನು ಸಿ -17 ವಿಮಾನದಲ್ಲಿ ಅಮೆರಿಕದಿಂದ ಗಡೀಪಾರು ಮಾಡಲಾಯಿತು.
ಇದಕ್ಕೂ ಮೊದಲು, ಫೆಬ್ರವರಿ 5 ರಂದು, ಅಮೆರಿಕದ ಮಿಲಿಟರಿ ವಿಮಾನವು 104 ಅಕ್ರಮ ವಲಸಿಗರನ್ನು ಕೈಕೋಳ ಮತ್ತು ಸರಪಳಿಗಳಲ್ಲಿ ಅಮೃತಸರಕ್ಕೆ ಕರೆತಂದಿತು, ಇದು ಹಲವಾರು ಕಡೆಗಳಿಂದ ತೀವ್ರ ಟೀಕೆಗೆ ಕಾರಣವಾಯಿತು.
“ಪ್ರಯಾಣ ಮಾಡುವಾಗ ನಮ್ಮ ಕೈಗಳಿಗೆ ಕೋಳ ಹಾಕಲಾಗಿತ್ತು, ನಮ್ಮ ಕಾಲುಗಳಿಗೆ ಸರಪಳಿ ಹಾಕಲಾಗಿತ್ತು” ಎಂದು ಭಾನುವಾರ ಹೋಶಿಯಾರ್‌ಪುರದಲ್ಲಿ ಸಿಂಗ್ ಹೇಳಿದರು. ಹೋಶಿಯಾರ್‌ಪುರ ಜಿಲ್ಲೆಯ ಕುರಾಲಾ ಕಲಾನ್ ಗ್ರಾಮದ ಸಿಂಗ್ ಅಮೃತಸರ ವಿಮಾನ ನಿಲ್ದಾಣಕ್ಕೆ ಬಂದ 116 ಅಕ್ರಮ ಗಡೀಪಾರುಗಾರರಲ್ಲಿ ಒಬ್ಬರು.
ಟ್ರಾವೆಲ್ ಏಜೆಂಟ್‌ ಒಬ್ಬನಿಂದ ಅವರು ಮೋಸ ಹೋದದ್ದಾಗಿ ತಿಳಿಸಿದರು. ನೇರವಾಗಿ ಅಮೆರಿಕಕ್ಕೆ ಕರೆದೊಯ್ಯುವ ಬದಲು ‘ಡಂಕಿ/ಕತ್ತೆ’ ಮಾರ್ಗದಲ್ಲಿ ಅಕ್ರಮವಾಗಿ ಅಮೆರಿಕಕ್ಕೆ ಪ್ರವೇಶಿಸಿದರು ಎಂದು ಅವರು ಹೇಳಿದರು. ಅಮೃತಸರಕ್ಕೆ ಗಡೀಪಾರು ಮಾಡುವ ಹಿಂದಿನ ವಿಮಾನದಂತೆ ಈ ಬಾರಿ ವಿಮಾನದಲ್ಲಿದ್ದ ಮಹಿಳೆಯರನ್ನು ಕೈಗಳಿಗೆ ಕೋಳ ಅಥವಾ ಸರಪಳಿ ಹಾಕಲಾಗಿಲ್ಲ ಎಂದು ಮೂಲಗಳು ತಿಳಿಸಿವೆ.
ಇದನ್ನೂ ಓದಿ; ಅಮೃತಸರಕ್ಕೆ ಬಂದಿಳಿದ ಅಮೆರಿಕದಿಂದ ಗಡಿಪಾರಾದ 119 ಮಂದಿಯನ್ನು ಹೊತ್ತ ವಿಮಾನ
