ಸೋಮವಾರ ಟರ್ಕಿ ಮತ್ತು ಸಿರಿಯಾದಲ್ಲಿ ಸಂಭವಿಸಿದ 7.8 ತೀವ್ರತೆಯ ಭೂಕಂಪದಿಂದ ಸಾವಿರಾರು ಜನರು ಪ್ರಣ ಕಳೆದುಕೊಂಡಿದ್ದಾರೆ. ಶನಿವಾರದವರೆಗೆ ಸಾವಿನ ಸಂಖ್ಯೆ 23,831ಕ್ಕೆ ತಲುಪಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಟರ್ಕಿಯಲ್ಲಿ 20,318ಕ್ಕೂ ಜನರು ಸಾವಿಗೀಡಾಗಿದ್ದು, 80,052 ಜನರು ಗಾಯಗೊಂಡಿದ್ದಾರೆ ಎಂದು ದೇಶದ ವಿಪತ್ತು ಸಂಸ್ಥೆ ಮಾಹಿತಿ ನೀಡಿದೆ.
ಸಿರಿಯಾದಲ್ಲಿ ಒಟ್ಟು 3,513 ಜನರು ಸಾವನ್ನಪ್ಪಿದ್ದಾರೆ. ಇದರಲ್ಲಿ ವಾಯುವ್ಯ ಪ್ರದೇಶದ ಬಂಡುಕೋರರ ಹಿಡಿತದಲ್ಲಿರುವ 2,166 ಜನರ ಸಾವುಗಳಾಗಿವೆ. ಸ್ವಯಂಸೇವಕ ಸಂಸ್ಥೆ ಸಿರಿಯಾ ಸಿವಿಲ್ ಡಿಫೆನ್ಸ್ ಪ್ರಕಾರ, ಇದನ್ನು ವೈಟ್ ಹೆಲ್ಮೆಟ್ ಎಂದೂ ಕರೆಯುತ್ತಾರೆ.
ಸಿರಿಯಾದ ಸರ್ಕಾರಿ ನಿಯಂತ್ರಿತ ಭಾಗಗಳಲ್ಲಿ 1,347 ಸಾವುಗಳು ಸಂಭವಿಸಿವೆ ಎಂದು ಸಿರಿಯನ್ ರಾಜ್ಯ ಮಾಧ್ಯಮ ವರದಿ ಮಾಡಿದೆ.
ಇದನ್ನೂ ಓದಿ: ಇಂದು ಟರ್ಕಿಯಲ್ಲಿ ಮತ್ತೆ 5.6 ಭೂಕಂಪನ: 3 ತಿಂಗಳ ತುರ್ತು ಪರಿಸ್ಥಿತಿ ಘೋಷಣೆ
ಸೋಮವಾರ ಸಂಭವಿಸಿದ ಈ ವಿನಾಶಕಾರಿ ಭೂಕಂಪದಿಂದ ಮಧ್ಯಾಹ್ನದ ನಂತರ ದಕ್ಷಿಣ ಟರ್ಕಿಯಲ್ಲಿ ವ್ಯಾಪಕ ವಿನಾಶ ಉಂಟಾಯಿತು. ಹತ್ತಿರದ ದೇಶಗಳಲ್ಲೂ ಭೂಕಂಪನದ ಅನುಭವವಾಗಿದೆ.
ಈ ಭೂಕಂಪವು ಶತಮಾನದ ಏಳನೇ ಅತ್ಯಂತ ಮಾರಣಾಂತಿಕ ನೈಸರ್ಗಿಕ ವಿಕೋಪವಾಗಿದೆ. ಜಪಾನ್‌ನ 2011 ರ ಕಂಪನ, ಸುನಾಮಿ ಮತ್ತು 2003ರ ಇರಾನ್ ಭೂಕಂಪ 31,000 ಜನರನ್ನು ಬಲಿತೆಗೆದುಕೊಂಡಿದೆ.
ಈ ಅನಾಹುತದ ಸುದ್ದಿಗಳು ಎಲ್ಲರನ್ನೂ ಕುಗ್ಗಿಸುತ್ತಿರುವಾಗಲೇ, ಶುಕ್ರವಾರ ರಾತ್ರಿ ಕಟ್ಟಡದ ಅವಶೇಷಗಳಲ್ಲಿ ಸಿಕ್ಕಿಬಿದ್ದ 10 ದಿನದ ನವಜಾತ ಶಿಶುವನ್ನು ರಕ್ಷಕರು ಹೊರತೆಗೆದಾಗ ಭರವಸೆ ಮೂಡಿಸಿದೆ.
ಮಗು ಯಾಗಿಜ್ ಉಲಾಸ್‌ನ್ನು ಥರ್ಮಲ್ ಕಂಬಳಿಯಲ್ಲಿ ಸುತ್ತಿಕೊಂಡು ಸುರಕ್ಷಿತವಾಗಿ ಫೀಲ್ಡ್ ಆಸ್ಪತ್ರೆಗೆ ಕೊಂಡೊಯ್ಯಲಾಯಿತು. ತುರ್ತು ಕಾರ್ಯಕರ್ತರು ಮಗುವಿನ ಅವನ ತಾಯಿಯನ್ನು ಸಹ ಕರೆದುಕೊಂಡು ಹೋದರು. ಮಗು ಅರೆಪ್ರಜ್ಞಾಸ್ಥಿಯಲ್ಲಿದ್ದು, ಸ್ಟ್ರೆಚರ್‌ನಲ್ಲಿ ತೆಗೆದುಕೊಂಡು ಹೋಗಲಾಯಿತು.
ಭಾರತದ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ (ಎನ್‌ಡಿಆರ್‌ಎಫ್) ಸಿಬ್ಬಂದಿ ಗುರುವಾರ ಬೆಳಿಗ್ಗೆ, ಗಾಜಿಯಾಂಟೆಪ್‌ನಲ್ಲಿನ ಅವಶೇಷಗಳಿಂದ 6 ವರ್ಷದ ಬಾಲಕಿಯನ್ನು ಜೀವಂತವಾಗಿ ಹೊರತೆಗೆಯುವಲ್ಲಿ ಯಶಸ್ವಿಯಾದರು.
