ಕುಸ್ತಿಪಟುಗಳಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪ ಎದುರಿಸುತ್ತಿರುವ ಕುಸ್ತಿ ಫೆಡರೆಷನ್‌ನ ಮಾಜಿ ಅಧ್ಯಕ್ಷ ಮತ್ತು ಬಿಜೆಪಿ ಸಂಸದ ಬ್ರಿಜ್ ಭೂಷಣ್ ಶರಣ್ ಸಿಂಗ್ ಮಹಿಳಾ ಪತ್ರಕರ್ತೆ ಜೊತೆ ಅನುಚಿತವಾಗಿ ವರ್ತಿಸಿ, ಮೈಕ್ ಕಿತ್ತೆಸೆದ ಘಟನೆ ಜರುಗಿದೆ.
ದೆಹಲಿ ಪೊಲೀಸರು ಚಾರ್ಜ್‌ಶೀಟ್ ಸಲ್ಲಿಸಿದ ಹಿನ್ನಲೆಯಲ್ಲಿ ಟೈಮ್ಸ್‌ ನೌ ಪತ್ರಕರ್ತೆಯೊಬ್ಬರು ಇಂದು ಬ್ರಿಜ್ ಭೂಷಣ್ ಪ್ರತಿಕ್ರಿಯೆ ಪಡೆಯಲು ಯತ್ನಿಸಿದ್ದರು. ನಿಮಗೆ ಹೇಳಲು ನನ್ನಲ್ಲಿ ಹೇಳಲು ಏನು ಇಲ್ಲ ಎಂದು ಪದೇ ಪದೇ ಬ್ರಿಜ್ ಭೂಷಣ್ ಹೇಳಿದ್ದರು. ಸಂಸದ ಸ್ಥಾನಕ್ಕೆ ರಾಜೀನಾಮೆ ನೀಡುತ್ತೀರಾ ಎಂದು ಪತ್ರಕರ್ತೆ ಪ್ರಶ್ನಿಸಿದಾಗ ಕುಪಿತನಾದ ಆತ “ನಾನೇಕೆ ರಾಜೀನಾಮೆ ನೀಡುತ್ತೇನೆ? ನೀನೇಕೆ ರಾಜೀನಾಮೆ ಕೇಳುತ್ತಿದ್ದೀಯ? ಚುಪ್ (ಸುಮ್ಮನಿರು) ಎಂದು ಗದರಿದ್ದಾನೆ.
VIP Arrogance on Cam!
Brij Bhushan Sharan Singh "misbehaves" with TIMES NOW's team and breaks the mic when asked tough questions by TIMES NOW's @tejshreethought – WATCH. pic.twitter.com/XgWhs9KcM1
— TIMES NOW (@TimesNow) July 11, 2023
ಆದರೆ ಅಷ್ಟಕ್ಕೆ ಸುಮ್ಮನಾಗದ ಪತ್ರಕರ್ತೆ ಬ್ರಿಜ್ ಭೂಷಣ್ ಕಾರಿನಲ್ಲಿ ಕುಳಿತಾಗಲೂ ಈ ರೀತಿಯಾಗಿ ವರ್ತಿಸುವುದು ಸರಿಯೇ ಎಂದು ಮೈಕ್ ಹಿಡಿದು ಪ್ರಶ್ನಿಸಿದರು. ಆಗ ಮೈಕ್ ಕಿತ್ತೆಸೆದು ಬ್ರಿಜ್ ಭೂಷನ್ ಉದ್ದಟತನ ಮೆರೆದಿರುವುದು ವಿಡಿಯೋದಲ್ಲಿ ದಾಖಲಾಗಿದೆ.
ಪತ್ರಕರ್ತೆಯೊಂದಿಗೆ ಇಂದಿನ ಬ್ರಿಜ್ ಭೂಷಣ್ ಸಿಂಗ್‌ರವರ ವರ್ತನೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಖಂಡನೆ ವ್ಯಕ್ತವಾಗಿದೆ. “ಬ್ರಿಜ್ ಭೂಷಣ್ ಕುಸ್ತಿಪಟು ಹೆಣ್ಣು ಮಕ್ಕಳಿಗೆ ಹೇಗೆ ತಾನೇ ಲೈಂಗಿಕ ಕಿರುಕುಳ ನೀಡಲು ಸಾಧ್ಯ ಎಂದು ಪ್ರಶ್ನಿಸುವವರು ಈ ವಿಡಿಯೋವನ್ನು ನೋಡಲೇಬೇಕು?” ಎಂಬ ಶೀರ್ಷಿಕೆಯೊಂದಿಗೆ ಹಲವಾರು ಜನ ವಿಡಿಯೋ ಟ್ವೀಟ್ ಮಾಡಿದ್ದಾರೆ.
“ಕೆಲವರು ಕೆಟ್ಟ ಸ್ವಭಾವದವರು. ಸರ್ಕಾರ ನಮ್ಮದು ಎಂದು ಇವರ ದುರಹಂಕಾರ ನೋಡಿ. ಇವರನ್ನು ತಲೆ ಮೇಲೆ ಹೊತ್ತು ಮೆರೆಸಿದ ಮಾಧ್ಯಮಗಳು ಇಂದು ಅವರಿಗೇ ಹಿಡಿಶಾಪ ಹಾಕುತ್ತಿವೆ. ಸಾರ್ವಜನಿಕರು ಎಲ್ಲವನ್ನೂ ಅರ್ಥಮಾಡಿಕೊಳ್ಳುತ್ತಾರೆ, ಸಾರ್ವಜನಿಕರು ಉತ್ತರಿಸುತ್ತಾರೆ. ಹೆಣ್ಣು ಮಕ್ಕಳಿಗೆ ನ್ಯಾಯ ಸಿಗಲಿ!” ಎಂದು ಹೋರಾಟಗಾರ ಯೋಗೇಂದ್ರ ಯಾದವ್ ಟ್ವೀಟ್ ಮಾಡಿದ್ದಾರೆ.
कुछ लोग बदमिजाज़ होते ही हैं। सरकार के सह पर इनका अहंकार तो देखिए। जिस मीडिया ने इन्हें सिर पर चढ़ाया, आज उसी मीडिया को दुत्कार रहे हैं। जनता सब समझती है जनता जवाब देगी।
बेटियों को न्याय मिले बस! pic.twitter.com/799LfkP4wA
— Yogendra Yadav (@_YogendraYadav) July 11, 2023
“ಕುಸ್ತಿಪಟುಗಳಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದ ಹೊತ್ತಿರುವ ಬಿಜೆಪಿ ಸಂಸದರೊಬ್ಬರು ಮಹಿಳಾ ಪತ್ರಕರ್ತೆಗೆ ಕ್ಯಾಮರಾ ಎದುರೇ ಬೆದರಿಕೆ ಹಾಕುತ್ತಿದ್ದಾರೆ ಮತ್ತು ಆಕೆಯ ಮೈಕ್ ಮುರಿದಿದ್ದಾರೆ. ಇದು ಯಾರ ಮಾತು ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಸ್ಮೃತಿ ಇರಾನಿಯವರು ಹೇಳಬಹುದೇ? ಇದು ಯಾರ ಸಂಸ್ಕಾರ?” ಎಂದು ಯುವ ಕಾಂಗ್ರೆಸ್ ಅಧ್ಯಕ್ಷ ಬಿ.ವಿ ಶ್ರೀನಿವಾಸ್ ಪ್ರಶ್ನಿಸಿದ್ದಾರೆ.
“ನಾನು ಇದನ್ನು ಪುನರಾವರ್ತಿಸುತ್ತೇನೆ. ಬ್ರಿಜ್ ಭೂಷಣ್ ಸಿಂಗ್ ಒಬ್ಬ ಗೂಂಡಾ. ಕ್ಯಾಮರಾ ಎದುರು ಮಹಿಳಾ ವರದಿಗಾರರೊಂದಿಗೆ ಈ ರೀತಿ ವರ್ತಿಸುವ ಧೈರ್ಯವಿರುವಾಗ, ಕ್ಯಾಮೆರಾದ ಹೊರಗೆ ಮಹಿಳೆಯರೊಂದಿಗೆ ಅವನು ಹೇಗೆ ವರ್ತಿಸಬೇಕು ಎಂದು ಊಹಿಸಿ! ಈ ಮನುಷ್ಯ ಇರಬೇಕಾದುದ್ದು ಸಂಸತ್ತಿನಲ್ಲಿ ಅಲ್ಲ ಜೈಲಿನಲ್ಲಿ!” ಎಂದು ದೆಹಲಿ ಮಹಿಳಾ ಆಯೋಗದ ಅಧ್ಯಕ್ಷೆ ಸ್ವಾತಿ ಮಲಿವಾಲ್ ಕಿಡಿಕಾರಿದ್ದಾರೆ.
Let me repeat this. Brij Bhushan Singh is a gunda. Imagine when he has the guts to behave like this with a female reporter on camera, how he must be behaving with women off camera! This man’s place is in jail not in the parliament! https://t.co/rEzknObD48
— Swati Maliwal (@SwatiJaiHind) July 11, 2023
ಇದನ್ನೂ ಓದಿ; ಲೈಂಗಿಕ ಕಿರುಕುಳವೆಸಗಿದ ಬ್ರಿಜ್ ಭೂಷಣ್ ವಿರುದ್ಧ ಕಾನೂನು ಕ್ರಮ ಜರುಗಿಸಿ: ದೆಹಲಿ ಪೊಲೀಸರು
