ತನ್ನ ಚಿಕ್ಕಪ್ಪ ಮತ್ತು ಪಕ್ಷದ ಸಂಸ್ಥಾಪಕ ಶರದ್ ಪವಾರ್ ನೇತೃತ್ವದ ಎನ್‌ಸಿಪಿ ಬಣಕ್ಕೆ ಹಲವಾರು ಪ್ರಮುಖ ನಾಯಕರು ಸೇರ್ಪಡೆಯಾದ ನಂತರ, ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ಅಜಿತ್ ಪವಾರ್ ಅವರು ಇಂದು ಪುಣೆಯಲ್ಲಿ ಪಕ್ಷದ ಸಹೋದ್ಯೋಗಿಗಳೊಂದಿಗೆ ಅತಿಮುಖ್ಯ ಸಭೆ ನಡೆಸಿದ್ದಾರೆ ಎನ್ನಲಾಗಿದೆ.
ಪುಣೆಯ ನಾಲ್ವರು ನಾಯಕರು ಅಜಿತ್ ಪವಾರ್ ನೇತೃತ್ವದ ಎನ್‌ಸಿಪಿ ಬಣದಲ್ಲಿ ತಮ್ಮ ಸ್ಥಾನಗಳಿಗೆ ರಾಜೀನಾಮೆ ನೀಡಿ ನಿನ್ನೆ ಶರದ್ ಪವಾರ್ ಪಾಳಯಕ್ಕೆ ಸೇರಿದರು. ಇವರಲ್ಲಿ ಎನ್‌ಸಿಪಿಯ ಮಾಜಿ ಪಿಂಪ್ರಿ-ಚಿಂಚ್‌ವಾಡ್ ಮುಖ್ಯಸ್ಥ ಅಜಿತ್ ಗವ್ಹಾನೆ ಮತ್ತು ಸ್ಥಳೀಯ ನಾಯಕರಾದ ರಾಹುಲ್ ಭೋಸ್ಲೆ, ಪಂಕಜ್ ಭಲೇಕರ್ ಮತ್ತು ಯಶ್ ಸಾನೆ ಶರದ್ ಬಣ ಸೇರಿದ್ದಾರೆ.
ಪಿಂಪ್ರಿ-ಚಿಂಚ್‌ವಾಡ್‌ನ 20 ಕ್ಕೂ ಹೆಚ್ಚು ಮಾಜಿ ಕಾರ್ಪೊರೇಟರ್‌ಗಳು, ಮೇಯರ್‌ಗಳು ಮತ್ತು ಘಟಕದ ಮುಖ್ಯಸ್ಥರು ನಿನ್ನೆ ಹಿರಿಯ ಪವಾರ್ ಶಿಬಿರಕ್ಕೆ ಸೇರಿದರು.
ಲೋಕಸಭೆ ಚುನಾವಣೆ ಫಲಿತಾಂಶದ ಒಂದು ತಿಂಗಳ ನಂತರ ಈ ಬದಲಾವಣೆ ಕಂಡುಬಂದಿದೆ. ಇದರಲ್ಲಿ ಶರದ್ ಪವಾರ್ ಬಣ ತಾನು ಸ್ಪರ್ಧಿಸಿದ 10 ಸ್ಥಾನಗಳಲ್ಲಿ 8 ಕ್ಷೇತ್ರಗಳಲ್ಲಿ ಗೆಲ್ಲುವ ಮೂಲಕ ಅದ್ಭುತ ಪ್ರದರ್ಶನವನ್ನು ನೀಡಿತು. ಅಜಿತ್ ಪವಾರ್ ಪಾಳಯವು ಕೇವಲ ಒಂದು ಸ್ಥಾನವನ್ನು ಗೆದ್ದು ಮೂರು ಸ್ಥಾನಗಳನ್ನು ಕಳೆದುಕೊಂಡಿದ್ದರಿಂದ ನಿರಾಶೆಗೊಂಡಿತು. ಒಂದು ಹಂತದಲ್ಲಿ ಫಲಿತಾಂಶಗಳು, ಹಿರಿಯ ಪವಾರ್ ಅವರನ್ನು ಎನ್‌ಸಿಪಿ ಬೆಂಬಲಿಗರು ಹಿಮ್ಮೆಟ್ಟಿಸಲು ಉತ್ಸುಕರಾಗಿದ್ದಾರೆಂದು ತೋರಿಸಿದೆ. ಮಹಾರಾಷ್ಟ್ರದಲ್ಲಿ ವಿಧಾಣಸಭೆ ಚುನಾವಣೆಗೆ ತಿಂಗಳುಗಳು ಬಾಕಿ ಇರುವ ಕಾರಣ ಈ ಬದಲಾವಣೆಯು ಹೆಚ್ಚು ಮಹತ್ವದ್ದಾಗಿದೆ.
1999 ರಲ್ಲಿ ಎನ್‌ಸಿಪಿ ಸ್ಥಾಪಿಸಿದ ಶರದ್ ಪವಾರ್, ಕಳೆದ ವರ್ಷ ಅವರ ಸಹೋದರ ಸಂಬಂಧಿ ಅಜಿತ್ ಪವಾರ್ ಬಂಡಾಯವನ್ನು ಮುನ್ನಡೆಸಿ, ಶಿವಸೇನೆ-ಬಿಜೆಪಿ ಸರ್ಕಾರಕ್ಕೆ ಸೇರುವ ಮೂಲಕ ಉಪಮುಖ್ಯಮಂತ್ರಿಯಾದರು. ಇದರಿಂದ ಹಿನ್ನಡೆ ಅನಿಭವಿಸಿದ ಹಿರಿಯ ರಾಜಕಾರಣಿ ಶರದ್ ಪವಾರ್, ತಮ್ಮ ಪಕ್ಷದ ಹೆಸರು ಮತ್ತು ಚಿಹ್ನೆಯನ್ನು ಕಳೆದುಕೊಂಡರು. ಅನಿವಾರ್ಯವಾಗಿ ಅವರು ಎನ್‌ಸಿಪಿ (ಶರದ್ಚಂದ್ರ ಪವಾರ್) ಹೆಸರಿನಲ್ಲಿ ಲೋಕಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಬೇಕಾಯಿತು.
ಎನ್‌ಸಿಪಿ ನಾಯಕರು ಅಜಿತ್ ಬಣ ತೊರೆದಿದ್ದೇಕೆ?
ಮಹಾರಾಷ್ಟ್ರದಲ್ಲಿ ವಿಧಾನಸಭೆ ಚುನಾವಣೆಗೆ ತಿಂಗಳುಗಳು ಬಾಕಿಯಿದ್ದು, ಪ್ರತಿಯೊಬ್ಬ ನಾಯಕನೂ ಟಿಕೆಟ್ ಪಡೆಯಲು ಹಲವು ಮಾರ್ಗಗಳನ್ನು ಅನ್ವೇಷಿಸುತ್ತಿದ್ದಾರೆ. ಲೋಕಸಭೆ ಚುನಾವಣೆಯಲ್ಲಿ ಶರದ್ ಪವಾರ್ ನೇತೃತ್ವದ ಬಣ ದೊಡ್ಡ ಸಾಧನೆ ಮಾಡುವುದರೊಂದಿಗೆ, ವಿಧಾನಸಭೆ ಚುನಾವಣೆಯಲ್ಲಿ ಅವರು ಅದನ್ನು ಪುನರಾವರ್ತಿಸುತ್ತಾರೆ ಮತ್ತು ಗೆಲ್ಲುವ ಕಡೆ ಇರಬೇಕೆಂದು ಅನೇಕ ನಾಯಕರು ನಿರೀಕ್ಷಿಸುತ್ತಿದ್ದಾರೆ ಎನ್ನಲಾಗಿದೆ. ಹಲವಾರು ನಾಯಕರು ತಮ್ಮ ಬದಲಾವಣೆಯ ಹಿಂದೆ ಸ್ಥಳೀಯ ಅಂಶಗಳನ್ನು ಉಲ್ಲೇಖಿಸಿದ್ದಾರೆ. “ನೀವು ಪಿಂಪ್ರಿ-ಚಿಂಚ್‌ವಾಡ್ ಅನ್ನು ನೋಡಿದರೆ, ಅಜಿತ್ ದಾದಾ ಮತ್ತು ಪವಾರ್ ಸಾಹಬ್ ಇಬ್ಬರೂ ಅದರ ಅಭಿವೃದ್ಧಿಗೆ ಕೊಡುಗೆ ನೀಡಿದ್ದಾರೆ. ಆದರೆ, 2017 ರಿಂದ ಬಿಜೆಪಿ ನಗರ ಪಾಲಿಕೆಯನ್ನು ಆಳುತ್ತಿದೆ. ಇಲ್ಲಿ ಅಭಿವೃದ್ಧಿ ಕೆಲಸಗಳು ತಪ್ಪಾದ ರೀತಿಯಲ್ಲಿ ನಡೆದಿವೆ. ಇಲ್ಲಿ ವ್ಯಾಪಕ ಭ್ರಷ್ಟಾಚಾರವಿದೆ” ಎಂದು ಗವ್ಹಾನೆ ತಿಳಿಸಿದ್ದಾರೆ.
ಶರದ್ ಪವಾರ್ ಅವರ ಪುತ್ರಿ, ನಾಲ್ಕು ಬಾರಿ ಲೋಕಸಭೆ ಸಂಸದರಾದರಾಗಿರುವ ಸುಪ್ರಿಯಾ ಸುಳೆ, “ಶರದ್ ಪವಾರ್ ಕಳೆದ 60 ವರ್ಷಗಳಿಂದ ಮಹಾರಾಷ್ಟ್ರ ಮತ್ತು ಕೇಂದ್ರದಲ್ಲಿ ಅಭಿವೃದ್ಧಿಗಾಗಿ ಶ್ರಮಿಸುತ್ತಿದ್ದಾರೆ” ಎಂದು ಹೇಳಿದರು. “ನಮಗೆ ಪವಾರ್ ಸಾಹಬ್ ಅವರ ಸಿದ್ಧಾಂತದಲ್ಲಿ ನಂಬಿಕೆ ಇದೆ ಮತ್ತು ವಿರೋಧ ಪಕ್ಷದಲ್ಲಿರುವ ಅನೇಕ ಜನರು ಸಹ ಅವರ ಕಡೆಗೆ ಹೆಚ್ಚಿನ ಭರವಸೆಯಿಂದ ನೋಡುತ್ತಾರೆ. ಅದಕ್ಕಾಗಿಯೇ ಜನರು ಹಲವರು ಅವರ ಬಣ ಸೇರುತ್ತಿದ್ದಾರೆ” ಎಂದು ಹೇಳಿದರು.
ಅಜಿತ್ ತನ್ನ ಬಣ ಬದಲಾಯಿಸಬಹುದೇ?
ತನ್ನ ಬಣದ ನಾಯಕರು ಶರದ್ ಪವಾರ್ ಅವರ ಪಾಳೆಯಕ್ಕೆ ಬದಲಾಗುತ್ತಿದ್ದಂತೆ, ಅಜಿತ್ ಪವಾರ್ ಕೂಡ ಅಂತಿಮವಾಗಿ ಹಿಂತಿರುಗಲು ಪ್ರಯತ್ನಿಸಬಹುದು ಎಂಬ ಊಹಾಪೋಹವಿದೆ. ಶರದ್ ಪವಾರ್ ಅವರು ಹಿಂತಿರುಗಲು ಬಯಸಿದರೆ ಪಕ್ಷದಲ್ಲಿ ಸ್ಥಾನ ಸಿಗುತ್ತದೆಯೇ ಎಂದು ಇತ್ತೀಚೆಗೆ ಕೇಳಲಾಯಿತು. “ಇಂತಹ ನಿರ್ಧಾರಗಳನ್ನು ವೈಯಕ್ತಿಕ ಮಟ್ಟದಲ್ಲಿ ತೆಗೆದುಕೊಳ್ಳಲಾಗುವುದಿಲ್ಲ, ಬಿಕ್ಕಟ್ಟಿನ ಸಂದರ್ಭದಲ್ಲಿ ನನ್ನೊಂದಿಗೆ ನಿಂತ ನನ್ನ ಸಹೋದ್ಯೋಗಿಗಳನ್ನು ಮೊದಲು ಕೇಳಲಾಗುತ್ತದೆ” ಎಂದು ಶರದ್ ಪವಾರ್ ಹೇಳಿದ್ದರು.
ಚುನಾವಣಾ ಹಿನ್ನಡೆಯಿಂದಾಗಿ ಏಕನಾಥ್ ಶಿಂಧೆ ನೇತೃತ್ವದ ಸರ್ಕಾರದಲ್ಲಿ ಅಜಿತ್ ಪವಾರ್ ಅವರ ಸ್ಥಾನಕ್ಕೆ ದೊಡ್ಡ ಹೊಡೆತ ಬಿದ್ದಿದೆ. ಅವರು ಈಗ ಉಪಮುಖ್ಯಮಂತ್ರಿಯಾಗಿದ್ದಾರೆ, ಅವರ ಪಕ್ಷವು ಲೋಕಸಭೆ ಸ್ಪರ್ಧೆಯಲ್ಲಿ ಕೇವಲ ಒಂದು ಸ್ಥಾನವನ್ನು ಮಾತ್ರ ಗೆದ್ದಿದ್ದು, ಈ ಹಿನ್ನೆಲೆಯಲ್ಲಿ ಮುಂಬರುವ ರಾಜ್ಯ ಚುನಾವಣೆಯು 64 ವರ್ಷದ ನಾಯಕನಿಗೆ ದೊಡ್ಡ ಸವಾಲಾಗಿದೆ.
ಇದನ್ನೂ ಓದಿ; ನೀಟ್ ವಿವಾದ: ‘ದೊಡ್ಡ ಪ್ರಮಾಣದಲ್ಲಿ ಪರೀಕ್ಷಾ ಪವಿತ್ರ್ಯತೆ ಕಳೆದುಕೊಂಡರೆ ಮಾತ್ರ ಮರು ಪರೀಕ್ಷೆ” ಎಂದ ಸುಪ್ರೀಂ ಕೋರ್ಟ್
