ನಾಯಿ ಕಡಿತ ಪ್ರಕರಣ: ಬಿಬಿಎಂಪಿ ವ್ಯಾಪ್ತಿಯ ಆರು ತಿಂಗಳಲ್ಲಿ 13,800 ಪ್ರಕರಣ ದಾಖಲು

ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ವ್ಯಾಪ್ತಿಯಲ್ಲಿ 13,831 ನಾಯಿ ಕಡಿತ ಪ್ರಕರಣಗಳು ಕಳೆದ ಆರು ತಿಂಗಳಲ್ಲಿ ವರದಿಯಾಗಿವೆ. ಮೇ ತಿಂಗಳಲ್ಲಿ, ಅತಿ ಹೆಚ್ಚು 2,562 ಪ್ರಕರಣಗಳು ದಾಖಲಾಗಿದ್ದು, ಫೆಬ್ರವರಿಯಲ್ಲಿ ಕನಿಷ್ಠ 1,883 ಪ್ರಕರಣಗಳು ದಾಖಲಾಗಿವೆ ಎಂದು ‘ಡೆಕ್ಕನ್ ಹೆರಾಲ್ಡ್‌’ ವರದಿ ಮಾಡಿದೆ.

2024 ರ ಮೊದಲಾರ್ಧಕ್ಕೆ ಹೋಲಿಸಿದರೆ ಈ ವರ್ಷದ ಮೊದಲಾರ್ಧದಲ್ಲಿ ಕರ್ನಾಟಕದಲ್ಲಿ ನಾಯಿ ಕಡಿತದಲ್ಲಿ ಶೇಕಡಾ 36 ರಷ್ಟು ಗಮನಾರ್ಹ ಏರಿಕೆ ಕಂಡುಬಂದಿದೆ.

ರಾಜ್ಯಕ್ಕೆ ಪ್ರತಿ ತಿಂಗಳು ಸುಮಾರು 38,000 ರಿಂದ 40,000 ರೇಬೀಸ್ ಲಸಿಕೆಗಳ ಅಗತ್ಯವಿದೆ. ಪ್ರತಿ ಸರ್ಕಾರಿ ಆಸ್ಪತ್ರೆಯು ನಾಯಿ ಕಡಿತಕ್ಕೊಳಗಾದ ಜನರಿಗೆ ಉಚಿತವಾಗಿ ಚಿಕಿತ್ಸೆ ನೀಡಲು ಹಾಗೂ ಲಸಿಕೆಗಳನ್ನು ನೀಡಲು ಕಡ್ಡಾಯಗೊಳಿಸಲಾಗಿದೆ ಎಂದು ಆರೋಗ್ಯ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಆದರೂ, ನಾಗರಿಕ ಸಂಸ್ಥೆಯ ಜಾಗೃತಿ ಕಾರ್ಯಕ್ರಮಗಳ ಹೊರತಾಗಿಯೂ, ದಾಖಲಾದ ಕಡಿತಗಳ ಸಂಖ್ಯೆ ಆತಂಕಕಾರಿಯಾಗಿದೆ. “ನಾವು ಸಮಗ್ರ ವಿಧಾನಗಳನ್ನು ಪರಿಶೀಲಿಸುತ್ತಿದ್ದೇವೆ, ನಾಯಿಗಳ ಮನಸ್ಥಿತಿಯನ್ನು ಮುರಿಯಲು ಪ್ರಯತ್ನಿಸುತ್ತಿದ್ದೇವೆ. ಬೀದಿ ನಾಯಿಗಳನ್ನು ನೋಡಿಕೊಳ್ಳಲು ಜನರಿಗೆ ‘ಒಂದು ನಾಯಿ ಒಂದು ಮನೆ’ ಉಪಕ್ರಮವನ್ನು ನಾವು ತರುತ್ತಿದ್ದೇವೆ” ಎಂದು ಬಿಬಿಎಂಪಿಯ ವಿಶೇಷ ಆರೋಗ್ಯ ಆಯುಕ್ತ ಸುರಲ್ಕರ್ ವಿಕಾಸ್ ಕಿಶೋರ್ ಹೇಳಿದರು.

“ಸುಪ್ರೀಂ ಕೋರ್ಟ್‌ನ ತೀರ್ಪು ನಮ್ಮ ಉಪಕ್ರಮಗಳನ್ನು ನಿಧಾನಗೊಳಿಸಿದೆ” ಎಂದು ಕಿಶೋರ್ ಹೇಳಿದರು.

ಬಿಬಿಎಂಪಿಯ ವಾರ್ಷಿಕ ರೇಬೀಸ್ ವಿರೋಧಿ ಲಸಿಕೆ (ಎಆರ್‌ವಿ) ವರದಿಯ ಪ್ರಕಾರ, ನಗರದಲ್ಲಿ 50,055 ನಾಯಿಗಳಿಗೆ ಚುಚ್ಚುಮದ್ದು ನೀಡಲಾಗಿದೆ. ಆದರೆ, ಬಿಬಿಎಂಪಿಯ ಜನಗಣತಿಯ ಪ್ರಕಾರ ನಾಯಿಗಳ ಸಂಖ್ಯೆ 2.7 ಲಕ್ಷ ಇದೆ.

ಲಸಿಕೆಗಳು ಚೆನ್ನಾಗಿ ಸಂಗ್ರಹವಾಗಿವೆ, ಖಾಸಗಿ ಆಸ್ಪತ್ರೆಗಳಲ್ಲಿ ಲಭ್ಯವಿದೆ. ಪ್ರತಿ ಇಂಜೆಕ್ಷನ್‌ಗೆ 300 ರಿಂದ 400 ರೂ.ಗಳ ನಡುವೆ ಬೆಲೆಯಿದೆ. ಕಡಿತದ ತೀವ್ರತೆಯನ್ನು ಅವಲಂಬಿಸಿ, ಬಲಿಪಶುವಿಗೆ ಮೂರರಿಂದ ಎಂಟು ಚುಚ್ಚುಮದ್ದುಗಳನ್ನು ನೀಡಲಾಗುತ್ತದೆ. ಹೆಚ್ಚು ತೀವ್ರವಾದ ಸಂದರ್ಭಗಳಲ್ಲಿ ಇಮ್ಯುನೊಗ್ಲಾಬ್ಯುಲಿನ್ ಇಂಜೆಕ್ಷನ್ ನೀಡಲಾಗುತ್ತದೆ, ಇದರ ಬೆಲೆ ರೂ. 3,000 ರಿಂದ ರೂ. 6,000 ರವರೆಗೆ ಇರುತ್ತದೆ.

ಬೀದಿ ನಾಯಿಗಳನ್ನು ತೊಂದರೆ ಎಂದು ಪರಿಗಣಿಸುವುದು ಕ್ರೌರ್ಯ

ಬೀದಿ ನಾಯಿಗಳನ್ನು ತೊಂದರೆ ಎಂದು ಪರಿಗಣಿಸುವುದು ಆಡಳಿತವಲ್ಲ, ಅದು ಕ್ರೌರ್ಯ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಹೇಳಿದ್ದಾರೆ.

ದೆಹಲಿ-ಎನ್‌ಸಿಆರ್ ಅಧಿಕಾರಿಗಳಿಗೆ ಸೂಚಿಸಿರುವ ಸುಪ್ರೀಂ ಕೋರ್ಟ್, ಬೀದಿಗಳಿಂದ ಎಲ್ಲ ಬೀದಿ ನಾಯಿಗಳನ್ನು “ಆದಷ್ಟು ಬೇಗ” ಶಾಶ್ವತವಾಗಿ ಆಶ್ರಯ ತಾಣಗಳಿಗೆ (ಶೆಲ್ಟರ್‌) ಸ್ಥಳಾಂತರಿಸುವಂತೆ ನಿರ್ದೇಶಿಸಿದ ನಂತರ ಅವರ ಹೇಳಿಕೆಗಳು ಬಂದಿವೆ.

ಬೀದಿ ನಾಯಿ ಕಡಿತದಿಂದಾಗಿ, ವಿಶೇಷವಾಗಿ ಮಕ್ಕಳಲ್ಲಿ ರೇಬೀಸ್‌ಗೆ ಕಾರಣವಾಗುವ ‘ಅತ್ಯಂತ ಕಠೋರ’ ಪರಿಸ್ಥಿತಿ ಇದೆ ಎಂದು ಸುಪ್ರೀಂ ಕೋರ್ಟ್ ಗಮನಿಸಿದೆ.

“ಬೀದಿ ನಾಯಿಗಳನ್ನು ‘ತೆರವುಗೊಳಸಿಬೇಕಾದರೆ’ ತೊಂದರೆ ಎಂದು ಪರಿಗಣಿಸುವುದು ಆಡಳಿತವಲ್ಲ; ಅದು ಕ್ರೌರ್ಯ. ಮಾನವೀಯ ಸಮಾಜಗಳು ಜನರು ಮತ್ತು ಪ್ರಾಣಿಗಳನ್ನು ರಕ್ಷಿಸುವ ಪರಿಹಾರಗಳನ್ನು ಕಂಡುಕೊಳ್ಳುತ್ತವೆ” ಎಂದು ಸಿದ್ದರಾಮಯ್ಯ ಮಂಗಳವಾರ ‘ಎಕ್ಸ್’ ನಲ್ಲಿ ಪೋಸ್ಟ್ ಮಾಡಿದ್ದಾರೆ.

“ವ‍ಧಿ, ವ್ಯಾಕ್ಸಿನೇಷನ್ ಮತ್ತು ಸಮುದಾಯ ಆರೈಕೆ ಕೆಲಸ. ಭಯ-ಚಾಲಿತ ಕ್ರಮಗಳು ಸುರಕ್ಷತೆಯನ್ನಲ್ಲ, ಹೆಚ್ಚಿನ ದುಃಖವನ್ನು ಮಾತ್ರ ಸೃಷ್ಟಿಸುತ್ತವೆ” ಎಂದು ಅವರು ಹೇಳಿದರು.

ಬೆಂಗಳೂರು ವಿವಿ ಆವರಣದಲ್ಲಿ ಇಬ್ಬರ ಮೇಲೆ ಬೀದಿ ನಾಯಿ ದಾಳಿ; ಓರ್ವ ವಿದ್ಯಾರ್ಥಿನಿಯ ಸ್ಥಿತಿ ಗಂಭೀರ