ಸಾಮಾನ್ಯವಾಗಿ ದೊಡ್ಡ ಕಾರ್‌ಗಳನ್ನು ಪಾರ್ಕಿಂಗ್ ಸ್ಥಳಗಳಲ್ಲಿ ನಿಲ್ಲಿಸೋದೆ ಕಷ್ಟ. ಅದರಲ್ಲೂ ಕಿರಿದಾದ ಸ್ಥಳ ಅಂದ್ರೆ ಇನ್ನೂ ಕಷ್ಟ. ಆದರೆ ಇಲ್ಲೊಬ್ಬ ವ್ಯಕ್ತಿ ಪಾರ್ಕಿಂಗ್ ಕೌಶಲ್ಯದಿಂದ ಜನರ ಮನಸ್ಸು ಗೆದ್ದಿದ್ದಾನೆ. ಇತನ ಕೌಶಲ್ಯ ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗಿದೆ ಮತ್ತು ಸಾವಿರಾರು ವೀಕ್ಷಕರನ್ನು ಆಕರ್ಷಿಸಿದೆ.
ಕಾರು ಚಾಲಕನನ್ನು ಕೇರಳದ ಮನಂತವಾಡಿ ಮೂಲದ ಪಿಜೆ ಬಿಜು ಎಂದು ಗುರುತಿಸಲಾಗಿದೆ. ವಿಡಿಯೋ ಮಾಡಿರುವುದು, ಚಾಲಕ ಬಿಜು ಪತ್ನಿಯಾಗಿದ್ದು, ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿ, ಒಂದು ಮಿಲಿಯನ್ ವೀಕ್ಷಣೆಗಳನ್ನು ಪಡೆದಿದೆ.
ವೀಡಿಯೊದಲ್ಲಿ, ಅವರು ಬಿಳಿ ಇನ್ನೋವಾವನ್ನು ಕಿರಿದಾದ ಸ್ಥಳದಲ್ಲಿ ನಿಲ್ಲಿಸುವಲ್ಲಿ ಯಶಸ್ವಿಯಾಗುತ್ತಾರೆ. ಜೊತೆಗೆ ಅಲ್ಲಿಂದ ಅಷ್ಟು ಕಿರಿದಾದ ಸ್ಥಳದಿಂದ ಕಾರನ್ನು ಹೊರ ತೆಗೆದು ಚಾಕಚಕ್ಯತೆ ಪ್ರದರ್ಶಿಸಿದ್ದಾರೆ.
ಇದನ್ನೂ ಓದಿ: ಬಿಹಾರ ಚುನಾವಣೆವರೆಗೂ ಮುಂದುವರೆಯಲಿದೆ ಸುಶಾಂತ್ ಸಿಂಗ್- ಕಂಗನಾ ವಿವಾದಗಳು
ಈ ವಿಡಿಯೋವನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿರುವ ವ್ಯಕ್ತಿ “ಆ ಮಲಯಾಳಿ ಚಾಲಕ ನಿಮಗಾಗಿ, ಅವರ ಕೌಶಲ್ಯ ಮತ್ತು ಆತ್ಮವಿಶ್ವಾಸಕ್ಕೆ ನಮಸ್ಕರಿಸಿ!” ಎಂದಿದ್ದಾರೆ.
That’s Malayalee Driver for you , salute his skill and confidence!
Few saw how he took out the car earlier this has both how he parked and how took it out from parking !
Kudos to the guy ???? pic.twitter.com/JwJrCIjTyn
— Vijay Thottathil (@vijaythottathil) September 7, 2020
ಹಲವು ಮಂದಿ ಟ್ವಿಟ್ಟರ್ ಸೇರಿ ಹಲವು ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋವನ್ನು ಹಂಚಿದ್ದಾರೆ.
That’s Malayalee confidence for you. #Parking pic.twitter.com/3NF4aah83m
— Nandagopal Rajan (@nandu79) September 6, 2020
ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಚಾಲಕ ಬಿಜು “ಇದು ನನ್ನ ಸ್ನೇಹಿತನ ಕಾರು ಮತ್ತು ಅದರ ಮೇಲೆ ಕೆಲವು ಬಣ್ಣದ ಕೆಲಸಗಳನ್ನು ಮಾಡಬೇಕಾಗಿತ್ತು. ಆದ್ದರಿಂದ ಭಾನುವಾರ ನಾನು ಅದನ್ನು ಸರಿಪಡಿಸಲು ಕರೆದೊಯ್ಯಿದ್ದೆ. ನನ್ನ ಹೆಂಡತಿ ನಾನು ಪಾರ್ಕಿಂಗ್ ಮಾಡುವ ವಿಡಿಯೋವನ್ನು ಚಿತ್ರಿಕರಿಸಿದ್ದಾರೆ. ವೀಡಿಯೊವನ್ನು ಅವಳು ಮಾಡಿದ್ದಾಳೆಂದು ನನಗೆ ತಿಳಿದಿರಲಿಲ್ಲ. ಅದು ವೈರಲ್ ಆದಾಗ ಮಾತ್ರ ನಾನು ಅದರ ಬಗ್ಗೆ ತಿಳಿದುಕೊಂಡೆ” ಎಂದು ಬಿಜು ಸ್ಥಳೀಯ ಚಾನೆಲ್‌ಗೆ ತಿಳಿಸಿದ್ದಾರೆ ಎಂದು ದಿ ನ್ಯೂಸ್ ಮಿನಿಟ್ ವರದಿ ಮಾಡಿದೆ.
“ನಾನು ಅನೇಕ ವರ್ಷಗಳಿಂದ ಎರ್ನಾಕುಲಂ – ಕಣ್ಣೂರು ಮಾರ್ಗದಲ್ಲಿ ಬಸ್ಸುಗಳನ್ನು ಓಡಿಸುತ್ತಿದ್ದೇನೆ. ಆ ವಾಹನಗಳು 12.5 ಮೀಟರ್ ಉದ್ದವಿರುತ್ತವೆ. ಆದ್ದರಿಂದ ಇನ್ನೋವಾ ಉದ್ದವು ನನಗೆ ಎಂದಿಗೂ ಹೆಚ್ಚು ತೊಂದರೆಯಾಗಿಲ್ಲ. ಯಾವುದೇ ಕಾರು ಇರಲಿ, ನಮ್ಮ ವಾಹನದ ಗಾತ್ರದ ಮಾನಸಿಕ ಚಿತ್ರ ನಮ್ಮಲ್ಲಿ ಮೂಡಿರುತ್ತದೆ” ಎಂದು ಬಿಜು ಹೇಳುತ್ತಾರೆ.
