ಚಾಟ್ ಜಿಪಿಟಿ (ChatGPT) ಮತ್ತು ಡೀಪ್ಸೀಕ್ (Deepseek R1) ಸೇರಿದಂತೆ ಅತ್ಯುತ್ತಮ ಜಾಗತಿಕ ಮಾದರಿಗಳೊಂದಿಗೆ ಸ್ಪರ್ಧಿಸುವ ವಿಶ್ವ ದರ್ಜೆಯ ಮೂಲಭೂತ ಎಐ (AI) ಮಾದರಿಯನ್ನು ಭಾರತ ಅಭಿವೃದ್ಧಿಪಡಿಸಲಿದೆ ಎಂದು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವೆ ಅಶ್ವಿನಿ ವೈಷ್ಣವ್ ಗುರುವಾರ ಹೇಳಿದ್ದಾರೆ. ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸರ್ಕಾರದ ಎಐ ಕಂಪ್ಯೂಟ್ ಸೌಲಭ್ಯವು ವಿಶ್ವದಲ್ಲೇ “ಅತ್ಯಂತ ಕೈಗೆಟುಕುವದು” ಎಂದು ಹೇಳಿದ್ದಾರೆ. ಭಾರತ ವಿಶ್ವ ದರ್ಜೆಯ
ಮುಂದಿನ 8-10 ತಿಂಗಳುಗಳಲ್ಲಿ ಕನಿಷ್ಠ ಆರು ಪ್ರಮುಖ ಡೆವಲಪರ್ಗಳು ಮತ್ತು ಸ್ಟಾರ್ಟ್-ಅಪ್ಗಳು ಕೇವಲ 4-6 ತಿಂಗಳುಗಳ ಒಳಗೆ ಮೂಲಭೂತ ಮಾದರಿಗಳನ್ನು ನಿರ್ಮಿಸುವ ನಿರೀಕ್ಷೆಯಿದೆ ಎಂದು ಸಚಿವರು ಹೇಳಿದ್ದಾರೆ. “ಆಧುನಿಕ ತಂತ್ರಜ್ಞಾನವನ್ನು ಎಲ್ಲರಿಗೂ ಸಿಗುವಂತೆ ಮಾಡುವುದು ನಮ್ಮ ಪ್ರಧಾನಿಯವರ ಆರ್ಥಿಕ ಚಿಂತನೆಯಾಗಿದೆ… ಈ ಸಮಯದಲ್ಲಿ ನಮ್ಮದು ಅತ್ಯಂತ ಕೈಗೆಟುಕುವ ಕಂಪ್ಯೂಟ್ ಸೌಲಭ್ಯವಾಗಿದೆ” ಎಂದು ವೈಷ್ಣವ್ ಹೇಳಿದ್ದಾರೆ.
ನಾನುಗೌರಿ.ಕಾಂಗೆ ದೇಣಿಗೆ ನೀಡಿ ಬೆಂಬಲಿಸಿ
ಇಲ್ಲಿಕ್ಲಿಕ್ ಮಾಡಿ
ಜಿಯೋ ಪ್ಲಾಟ್ಫಾರ್ಮ್ಗಳು, ಸಿಎಂಎಸ್ ಕಂಪ್ಯೂಟರ್ಗಳು, ಟಾಟಾ ಕಮ್ಯುನಿಕೇಷನ್ಸ್, ಇ2ಇ ನೆಟ್ವರ್ಕ್ಗಳು, ಯೊಟ್ಟಾ ಡೇಟಾ ಸರ್ವೀಸಸ್ ಮತ್ತು ಇತರ ಕಂಪನಿಗಳು ಸೇರಿದಂತೆ ಎಂಪನೇಲ್ಡ್ ಬಿಡ್ಡರ್ಗಳಿಂದ 18,693 ಗ್ರಾಫಿಕ್ಸ್ ಪ್ರೊಸೆಸಿಂಗ್ ಯೂನಿಟ್ಗಳ (GPUಗಳು) ನಿಯೋಜನೆಯನ್ನು ಒಳಗೊಂಡಿರುವ ಭಾರತದ ಎಐ ನೀಲನಕ್ಷೆಯ ಮುಂದಿನ ಹಂತಗಳನ್ನು ಸಚಿವರು ವಿವರಿಸಿದ್ದಾರೆ. ಭಾರತ ವಿಶ್ವ ದರ್ಜೆಯ
ಹೆಚ್ಚುವರಿಯಾಗಿ, ಸರ್ಕಾರವು ಎಐ ಸುರಕ್ಷತಾ ಸಂಸ್ಥೆಯನ್ನು ಸ್ಥಾಪಿಸಲು ಯೋಜಿಸಿದ್ದು, ಈ ಉಪಕ್ರಮದಡಿಯಲ್ಲಿ 8 ಯೋಜನೆಗಳನ್ನು ಈಗಾಗಲೇ ಅನುಮೋದಿಸಲಾಗಿದೆ ಎಂದು ಹೇಳಿದ್ದಾರೆ. ದೇಶದ ಸಂದರ್ಭ, ಭಾಷೆಗಳು ಮತ್ತು ಸಂಸ್ಕೃತಿಗೆ ಅನುಗುಣವಾಗಿ ಭಾರತದ ಸ್ವಂತ ಮೂಲಭೂತ ಎಐ ಮಾದರಿಗಳನ್ನು ಅಭಿವೃದ್ಧಿಪಡಿಸಲು ಸರ್ಕಾರವು ಪ್ರಸ್ತಾವನೆಗಳನ್ನು ಕೋರುತ್ತಿದೆ ಎಂದು ಹೇಳಿದ್ದಾರೆ.
ಈ ಮಾದರಿಗಳು “ನಮ್ಮ ದೇಶಕ್ಕಾಗಿ, ನಮ್ಮ ದೇಶದಿಂದ ಮತ್ತು ನಮ್ಮ ನಾಗರಿಕರಿಗಾಗಿ” ಇರುವ ಡೇಟಾಸೆಟ್ಗಳನ್ನು ಬಳಸುತ್ತವೆ. ಇದರಲ್ಲಿ ಪಕ್ಷಪಾತಗಳನ್ನು ತೆಗೆದುಹಾಕುವತ್ತ ಒತ್ತು ನೀಡಲಾಗುತ್ತದೆ ಎಂದು ಅವರು ಹೇಳಿದ್ದಾರೆ.
ಇಂಡಿಯಾಎಐ ಮಿಷನ್ನ ಭಾಗವಾಗಿ, ಸರ್ಕಾರವು ಈ ಹಿಂದೆ ಭಾರತದ ಎಐ ಪರಿಸರ ವ್ಯವಸ್ಥೆಯನ್ನು ಬಲಪಡಿಸಲು 10,372 ಕೋಟಿ ರೂ.ಗಳ ವಿನಿಯೋಗವನ್ನು ಅನುಮೋದಿಸಿತ್ತು. ಎಐ ಕಂಪ್ಯೂಟ್ ಮೂಲಸೌಕರ್ಯಕ್ಕಾಗಿ 10,000 ಜಿಪಿಯುಗಳನ್ನು ಸಕ್ರಿಯಗೊಳಿಸುವತ್ತ ಪ್ರಮುಖ ಗಮನ ಹರಿಸಿದೆ ಎಂದು ಅವರು ಹೇಳಿದ್ದಾರೆ.
ಭಾರತದ ಎಐ ಮಿಷನ್ ಮೇಲೆ ಅಮೆರಿಕದ ಜಿಪಿಯು ಮತ್ತು ಎಐ ಚಿಪ್ ರಫ್ತು ನಿರ್ಬಂಧಗಳ ಸಂಭಾವ್ಯ ಪರಿಣಾಮಗಳ ಬಗ್ಗೆ ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸಿದ ಅವರು, ಭಾರತವನ್ನು ಜಾಗತಿಕವಾಗಿ ವಿಶ್ವಾಸಾರ್ಹ ಪಾಲುದಾರ ಎಂದು ಪರಿಗಣಿಸಲಾಗಿದೆ ಎಂದು ಹೇಳಿದ್ದಾರೆ. “ಭಾರತವು ಬೌದ್ಧಿಕ ಆಸ್ತಿ ಹಕ್ಕುಗಳು ಮತ್ತು ತಾಂತ್ರಿಕ ಪರಿಗಣನೆಗಳನ್ನು ಗೌರವಿಸುತ್ತದೆ. ಅದಕ್ಕಾಗಿಯೇ ನಾವು ಹಲವಾರು ಪ್ರಮುಖ ತಂತ್ರಜ್ಞಾನಗಳ ಕುರಿತು ತಿಳುವಳಿಕೆ ಪತ್ರಗಳಿಗೆ (MoU) ಸಹಿ ಹಾಕಿದ್ದೇವೆ” ಎಂದು ಸಚಿವ ವೈಷ್ಣವ್ ಹೇಳಿದ್ದಾರೆ.
ಇದನ್ನೂಓದಿ: ವೈದ್ಯೆಯ ಅಪಹರಿಸಿ ಸಾಮೂಹಿಕ ಅತ್ಯಾಚಾರ ಪ್ರಕರಣ : ನಾಲ್ವರು ಅಪರಾಧಿಗಳಿಗೆ 20 ವರ್ಷ ಜೈಲು
ವೈದ್ಯೆಯ ಅಪಹರಿಸಿ ಸಾಮೂಹಿಕ ಅತ್ಯಾಚಾರ ಪ್ರಕರಣ : ನಾಲ್ವರು ಅಪರಾಧಿಗಳಿಗೆ 20 ವರ್ಷ ಜೈಲು
