ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಆದೇಶದಂತೆ ಇಂದಿನಿಂದ ಎಟಿಎಂ ಸೇವಾ ಶುಲ್ಕವನ್ನು ಬ್ಯಾಂಕುಗಳು ಹೆಚ್ಚಳ ಮಾಡಲಿವೆ. ನಿಗದಿತ ಉಚಿತ ವಹಿವಾಟನ್ನು ಮೀರಿ ವಹಿವಾಟು ನಡೆಸಿದ್ದಲ್ಲಿ ಹೆಚ್ಚುವರಿಯಾಗಿ ಶುಲ್ಕಪಾವತಿ ಮಾಡಬೇಕಿದ್ದು, ಈವರೆಗೆ 20 ರೂ. ಇದ್ದದ್ದನ್ನು 21 ರೂ.ಗಳಿಗೆ ಹೆಚ್ಚಲಾಗಿದೆ.
ಇಂದಿನಿಂದ ₹21 ಶುಲ್ಕ
ಜೂನ್ 10, 2021ರ ಆರ್‌ಬಿಐ ಅಧಿಸೂಚನೆಯ ಪ್ರಕಾರ, ಜನವರಿ 1, 2022ರಿಂದ, ಅನ್ವಯವಾಗುವ ತೆರಿಗೆಗಳೊಂದಿಗೆ ₹20 ರ ಬದಲಿಗೆ ₹21 ಶುಲ್ಕ ವಿಧಿಸಲು ಬ್ಯಾಂಕ್‌ಗಳಿಗೆ ಅನುಮತಿ ನೀಡಲಾಗಿದೆ. ಗ್ರಾಹಕರು ನಗದು ಮತ್ತು ನಗದುರಹಿತ ಉದ್ದೇಶಗಳಿಗಾಗಿ ನಿಗದಿಪಡಿಸಿದ ಉಚಿತ ವಹಿವಾಟುಗಳನ್ನು ಮೀರಿ ವಹಿವಾಟು ನಡೆಸಿದ್ದಲ್ಲಿ ₹1 ಹೆಚ್ಚು ಪಾವತಿಸಬೇಕಾಗುತ್ತದೆ.
ಐದು ಉಚಿತ ವಹಿವಾಟುಗಳು
ಗ್ರಾಹಕರು ತಮ್ಮ ಸ್ವಂತ ಬ್ಯಾಂಕ್ ಎಟಿಎಂಗಳಿಂದ ಪ್ರತಿ ತಿಂಗಳು ಐದು ಉಚಿತ ವಹಿವಾಟುಗಳಿಗೆ (ಹಣಕಾಸು ಮತ್ತು ಹಣಕಾಸೇತರ ವಹಿವಾಟುಗಳನ್ನು ಒಳಗೊಂಡಂತೆ) ಅರ್ಹರಾಗಿರುತ್ತಾರೆ.
ಇತರ ಬ್ಯಾಂಕ್ ಎಟಿಎಂಗಳು
ಇತರೆ ಬ್ಯಾಂಕ್ ಎಟಿಎಂಗಳಿಂದ ಉಚಿತ ವಹಿವಾಟುಗಳಿಗೆ (ಹಣಕಾಸು ಮತ್ತು ಹಣಕಾಸುೇತರ ವಹಿವಾಟುಗಳನ್ನು ಒಳಗೊಂಡಂತೆ) ಅರ್ಹರಾಗಿರುತ್ತಾರೆ. ಆದರೆ ಮೆಟ್ರೋ ಕೇಂದ್ರಗಳಲ್ಲಿ ಮೂರು ವಹಿವಾಟುಗಳು ಮತ್ತು ಮೆಟ್ರೋ ಅಲ್ಲದ ಕೇಂದ್ರಗಳಲ್ಲಿ ಐದು ವಹಿವಾಟುಗಳು ನಡೆಸಬಹುದು. ಎಟಿಎಂ ವಹಿವಾಟುಗಳ ಇಂಟರ್‌ಚೇಂಜ್ ಶುಲ್ಕದ ರಚನೆಯಲ್ಲಿ ಕೊನೆಯ ಬದಲಾವಣೆಯನ್ನು ಆಗಸ್ಟ್ 2012ರಲ್ಲಿ ಮಾಡಲಾಗಿತ್ತು. ಆದರೆ ಗ್ರಾಹಕರು ಪಾವತಿಸಬೇಕಾದ ಶುಲ್ಕಗಳನ್ನು ಕೊನೆಯದಾಗಿ ಆಗಸ್ಟ್ 2014ರಲ್ಲಿ ಪರಿಷ್ಕರಿಸಲಾಯಿತು.
ಎಟಿಎಂ ವಹಿವಾಟುಗಳಿಗೆ ಇಂಟರ್‌ಚೇಂಜ್ ಶುಲ್ಕದ ರಚನೆಯಲ್ಲಿ ಕೊನೆಯ ಬದಲಾವಣೆಯು ಆಗಸ್ಟ್ 2012 ರಲ್ಲಿ ಆಗಿತ್ತು, ಆದರೆ ಗ್ರಾಹಕರು ಪಾವತಿಸಬೇಕಾದ ಶುಲ್ಕಗಳನ್ನು ಕೊನೆಯದಾಗಿ ಆಗಸ್ಟ್ 2014 ರಲ್ಲಿ ಪರಿಷ್ಕರಿಸಲಾಯಿತು.
ಜನವರಿ 1, 2022ರಿಂದ ಬದಲಾವಣೆಗಳನ್ನು ಆರ್‌ಬಿಐ ಸೂಚಿಸಿದೆ. ಎಟಿಎಂ ನಿಯೋಜನೆಯ ಹೆಚ್ಚುತ್ತಿರುವ ವೆಚ್ಚ, ಬ್ಯಾಂಕ್‌ಗಳು ಅಥವಾ ವೈಟ್-ಲೇಬಲ್ ಎಟಿಎಂ ಆಪರೇಟರ್‌ಗಳು ನಿರ್ವಹಣೆಗೆ ಮಾಡುವ ವೆಚ್ಚಗಳನ್ನು ಇಲ್ಲಿ ಉಲ್ಲೇಖಿಸಲಾಗಿದೆ.
ವಾಯ್ಸ್ ಆಫ್ ಬ್ಯಾಂಕಿಂಗ್‌ನ ಸಂಸ್ಥಾಪಕ ಅಶ್ವನಿ ರಾಣಾ ಮಾತನಾಡಿ, “ಪ್ರತಿ ಎಟಿಎಂ ವಹಿವಾಟಿನ ಸೇವಾ ಶುಲ್ಕವನ್ನು ಆಯಾ ಬ್ಯಾಂಕ್‌ಗಳು ಅನುಮತಿಸುವ ಹಲವಾರು ವಹಿವಾಟುಗಳನ್ನು ಮೀರಿ ನಡೆಸುವ ವಹಿವಾಟಿಗಾಗಿ ವಿಧಿಸಲಾಗುತ್ತದೆ” ಎಂದಿದ್ದಾರೆ.
ಇದನ್ನೂ ಓದಿರಿ: ಜಮ್ಮು ಕಾಶ್ಮೀರದ ವೈಷ್ಣೋ ದೇವಿ ದೇವಾಲಯದಲ್ಲಿ ಕಾಳ್ತುಳಿತ: 12 ಯಾತ್ರಾರ್ಥಿಗಳು ಮರಣ
