ಛತ್ತೀಸ್ಗಢದ ಬಿಜಾಪುರ ಜಿಲ್ಲೆಯಲ್ಲಿ ಮಾವೋವಾದಿಗಳ ಎನ್ಕೌಂಟರ್ ಕಾರ್ಯಾಚರಣೆಯಲ್ಲಿ 22 ಮಂದಿ ಯೋಧರು ಸಾವನ್ನಪ್ಪಿದ ಹಿನ್ನೆಲೆಯಲ್ಲಿ ಮಾತನಾಡಿರುವ ಸಿಆರ್ಪಿಎಫ್ ಮುಖ್ಯಸ್ಥ ಕುಲದೀಪ್ ಸಿಂಗ್ ತಮ್ಮ ಕಡೆಯಿಂದ ಭದ್ರತೆಯಲ್ಲಿ ಯಾವುದೇ ವೈಫಲ್ಯ ಕಂಡುಬಂದಿಲ್ಲ ಎಂದು ಹೇಳಿದ್ದಾರೆ. ಜೊತೆಗೆ ಕಾರ್ಯಾಚರಣೆಯಲ್ಲಿ 25-30 ಮಾವೋವಾದಿಗಳು ಹತರಾಗಿದ್ದಾರೆ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಛತ್ತಿಸ್ಗಢ ರಾಜಧಾನಿ ರಾಯ್ಪುರದಿಂದ 400 ಕಿ.ಮೀ ದೂರದಲ್ಲಿರುವ ಬಿಜಾಪುರದಲ್ಲಿ ಶನಿವಾರ ಮಾವೋವಾದಿಗಳೊಂದಿಗೆ ನಡೆದ ಸಂಘರ್ಷದಲ್ಲಿ ಕನಿಷ್ಠ 22 ಭದ್ರತಾ ಸಿಬ್ಬಂದಿಗಳು ಸಾವನ್ನಪ್ಪಿದ್ದರು ಎಂದು ಅಧಿಕಾರಿಗಳು ತಿಳಿಸಿದ್ದರು.
“ಕೆಲವು ರೀತಿಯ ಗುಪ್ತಚರ ಅಥವಾ ಕಾರ್ಯಾಚರಣೆಯ ವೈಫಲ್ಯವಿದೆ ಎಂದು ಹೇಳುವುದರಲ್ಲಿ ಯಾವುದೇ ಅರ್ಥವಿಲ್ಲ. ಇದು ಕೆಲವು ಗುಪ್ತಚರ ವೈಫಲ್ಯವಾಗಿದ್ದರೆ, ಮಾವೋವಾದಿಗಳ ಎನ್ಕೌಂಟರ್ ಕಾರ್ಯಾಚರಣೆಗೆ ಪಡೆಗಳು ಹೋಗುತ್ತಿರಲಿಲ್ಲ. ಕಾರ್ಯಾಚರಣೆಯ ವೈಫಲ್ಯವಿದ್ದರೆ, ಅನೇಕ ಮಾವೋವಾದಿಗಳು ಹತರಾಗುತ್ತಿರಲಿಲ್ಲ” ಎಂದಿದ್ದಾರೆ.
ಇದನ್ನೂ ಓದಿ: ಛತ್ತಿಸ್ಗಢ: ಮಾವೋವಾದಿಗಳೊಂದಿಗಿನ ಸಂಘರ್ಷದಲ್ಲಿ 22 ಯೋಧರ ಸಾವು
ಎನ್ಕೌಂಟರ್ನಲ್ಲಿ ಮಾವೋವಾದಿಗಳ ಸಾವು-ನೋವುಗಳ ಕುರಿತು ಮಾತನಾಡಿದ ಕುಲ್ದೀಪ್ ಸಿಂಗ್, “ಗಾಯಗೊಂಡವರನ್ನು ಮತ್ತು ಮೃತ ದೇಹಗಳನ್ನು ಸ್ಥಳದಿಂದ ಸಾಗಿಸಲು ಮಾವೋವಾದಿಗಳು ಮೂರು ಟ್ರಾಕ್ಟರುಗಳನ್ನು ಬಳಸಿದ್ದಾರೆ. ಕಾರ್ಯಾಚರಣೆಯಲ್ಲಿ ಹತ್ಯೆಗೊಳಗಾದ ಮಾವೋವಾದಿಗಳ ನಿಖರ ಸಂಖ್ಯೆಯನ್ನು ಇದೀಗ ಹೇಳುವುದು ಕಠಿಣ. ಆದರೆ ಅದು 25-30ಕ್ಕೆ ಕಡಿಮೆಯಾಗಿಲ್ಲ” ಎಂದಿದ್ದಾರೆ.
ಎನ್ಕೌಂಟರ್ ಕಾರ್ಯಾಚರಣೆಯಲ್ಲಿ ಹೋರಾಡಿದ ಯೋಧರನ್ನು ಭೇಟಿಯಾಗಲಿದ್ದೇನೆ ಎಂದು ಡಿಜಿ ಹೇಳಿದರು.
ಎನ್ಕೌಂಟರ್ನಲ್ಲಿ 22 ಮಂದಿ ಯೋಧರು ಬಲಿಯಾಗಿರುವುದಕ್ಕೆ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಸರ್ಕಾರದ ವಿರುದ್ಧ ಆಕ್ರೋಶ ಹೊರಹಾಕಿ ಇದೊಂದು ರೂಪುರೇಷೆಯಿಲ್ಲದ ಕಾರ್ಯಾಚರಣೆ ಎಂದಿದ್ದಾರೆ.
ಗುಪ್ರಚರ ವೈಫಲ್ಯವಿಲ್ಲ ಎಂಬ ಸಿಆರ್ಪಿಎಫ್ ಮುಖ್ಯಸ್ಥ ಕುಲದೀಪ್ ಸಿಂಗ್ ಅವರ ಹೇಳಿಕೆಯನ್ನು ಉಲ್ಲೇಖಿಸಿ ಟ್ವೀಟ್ ಮಾಡಿರುವ ರಾಹುಲ್ ಗಾಂಧಿ, “ಗುಪ್ತಚರ ವೈಫಲ್ಯವಿಲ್ಲದಿದ್ದರೆ 1: 1 ಸಾವಿನ ಅನುಪಾತ ಇದೆ ಎಂದರೆ, ಅದು ಸರಿಯಾಗಿ ರೂಪಿಸದ ಮತ್ತು ಅಸಮರ್ಥವಾಗಿ ಕಾರ್ಯಗತಗೊಂಡ ಕಾರ್ಯಾಚರಣೆಯಾಗಿದೆ” ಎಂದಿದ್ದಾರೆ.
If there was no intelligence failure then a 1:1 death ratio means it was a poorly designed and incompetently executed operation.
Our Jawans are not cannon fodder to be martyred at will. pic.twitter.com/JDgVc03QvD
— Rahul Gandhi (@RahulGandhi) April 5, 2021
ಇದನ್ನೂ ಓದಿ: ಅಂಧ ಭಕ್ತರೆ, ಕೊರೊನಾ ಪ್ರಕರಣಗಳು ಹೆಚ್ಚುತ್ತಿರುವುದಕ್ಕೆ ಯಾರು ಕಾರಣ? ಮೋದಿ ವಿರುದ್ಧ ಸಿಡಿದ ಸುಬ್ರಮಣಿಯನ್…