ದೆಹಲಿಯ 70 ವಿಧಾನಸಭಾ ಕ್ಷೇತ್ರಗಳಿಗೆ ಫೆಬ್ರವರಿ 8ರಂದು ಚುನಾವಣೆ ನಡೆಯಲಿದ್ದು, ಫೆಬ್ರವರಿ 11ಕ್ಕೆ ಫಲಿತಾಂಶ ಪ್ರಕಟಿಸುತ್ತೇವೆ ಎಂದು ಕೇಂದ್ರ ಚುನಾವಣಾ ಆಯೋಗ ತಿಳಿಸಿದೆ.
ಪೂರ್ಣ ವಿವರ ಇಲ್ಲಿದೆ.
14 ನೇ ಜನವರಿ ನಾಮಪತ್ರ ಸಲ್ಲಿಕೆ ಆರಂಭ..
ನಾಮಪತ್ರ ಸಲ್ಲಿಸಲು ಕೊನೆ 21ನೇ ಜನವರಿ.
ನಾಮಪತ್ರ ಪರೀಶೀಲನೆ: 22ನೇ ಜನವರಿ
ನಾಮಪತ್ರ ಹಿಂಪಡೆಯಲು 24ನೇ ಜನವರಿ
ಚುನಾವಣೆ: ಫೆಬ್ರವರಿ 8
ಫಲಿತಾಂಶ: ಫೆಬ್ರವರಿ 11
ದೆಹಲಿಯ 1.46 ಕೋಟಿ ಮತದಾರರು 13000 ಚುನಾವಣಾ ಬೂತ್ಗಳಲ್ಲಿ ತಮ್ಮ ಹಕ್ಕು ಚಲಾಯಿಸಲಿದ್ದಾರೆ.
ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ಮುಖ್ಯ ಚುನಾವಣಾ ಆಯುಕ್ತ ಸುನಿಲ್ ಆರೋರ, ದೆಹಲಿಯಲ್ಲಿ ಚುನಾವಣಾ ಮಾದರಿ ನೀತಿ ಸಂಹಿತೆ ಇಂದಿನಿಂದಲೇ ಜಾರಿಗೆ ಬರಲಿದೆ ಎಂದಿದ್ದಾರೆ.
ಚುನಾವಣೆಯಲ್ಲಿ ಸೂಕ್ತ ಭದ್ರತೆ ಕಲ್ಪಿಸಲಾಗುವುದು. ಕಟ್ಟು ನಿಟ್ಟಿನ ಕ್ರಮ ಕೈಗೊಳ್ಳಲಾಗುವುದು ಎಂದಿದ್ದಾರೆ.
2015ರ ಚುನಾವಣೆಯಲ್ಲಿ 70 ಕ್ಷೇತ್ರಗಳಲ್ಲಿ ಆಮ್ ಆದ್ಮಿ ಪಕ್ಷ 67 ಸ್ಥಾನಗಳನ್ನು ಗೆಲ್ಲವು ಮೂಲಕ ಐತಿಹಾಸಿಕ ಸಾಧನೆ ಮಾಡಿತ್ತು. ಬಿಜೆಪಿ 3 ಕ್ಷೇತ್ರಗಳಿಗೆ ಕುಸಿದರೆ, ಕಾಂಗ್ರೆಸ್ ಶೂನ್ಯ ಸಾಧನೆ ಮಾಡಿತ್ತು.