HomeದಿಟನಾಗರFact Check: ಮಹುವಾ ಮೊಯಿತ್ರಾ 'ಎಗ್ಸ್' ಎಂದಿರುವುದನ್ನು 'ಸೆಕ್ಸ್' ಎಂದು ತಪ್ಪಾಗಿ ಹಂಚಿಕೊಳ್ಳಲಾಗ್ತಿದೆ

Fact Check: ಮಹುವಾ ಮೊಯಿತ್ರಾ ‘ಎಗ್ಸ್’ ಎಂದಿರುವುದನ್ನು ‘ಸೆಕ್ಸ್’ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗ್ತಿದೆ

- Advertisement -
- Advertisement -

ಪಶ್ಚಿಮ ಬಂಗಾಳದ ಕೃಷ್ಣನಗರ ಲೋಕಸಭಾ ಕ್ಷೇತ್ರದ ತೃಣಮೂಲ ಕಾಂಗ್ರೆಸ್ ಅಭ್ಯರ್ಥಿ ಮಹುವಾ ಮೊಯಿತ್ರಾ ಅವರಿಗೆ ಸಂಬಂಧಿಸಿದ ವಿಡಿಯೋ ತುಣುಕೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಮಹುವಾ ಅವರು ಚುನಾವಣಾ ಪ್ರಚಾರ ಕಾರ್ಯದಲ್ಲಿ ತೊಡಗಿದ್ದ ವೇಳೆ, ಸ್ವತಂತ್ರ ಮಾಧ್ಯಮ ಸಂಸ್ಥೆ ‘ನ್ಯೂಸ್ ದಿ ಟ್ರುತ್'(ಎನ್‌ಟಿಟಿ) ನ ವರದಿಗಾರ ಅವರನ್ನು ಮಾತನಾಡಿಸಿದ್ದಾರೆ. ಈ ವೇಳೆ ಇಂಗ್ಲಿಷ್ ಭಾಷೆಯಲ್ಲಿ ‘What’s your source of Energy?'(ನಿಮ್ಮ ಶಕ್ತಿಯ ಮೂಲ ಯಾವುದು?) ಎಂದು ಪ್ರಶ್ನಿಸಿದ್ದಾರೆ. ಅದಕ್ಕೆ ಮಹುವಾ ಮೊಯಿತ್ರಾ ನೀಡಿರುವ ಉತ್ತರ ವೈರಲ್ ಆಗಿದೆ.

ಅನೇಕ ಎಕ್ಸ್ ಬಳಕೆದಾರರು ‘What’s your source of Energy?’ ಎಂದು ಪತ್ರಕರ್ತ ಕೇಳಿದ್ದಕ್ಕೆ, ಮಹುವಾ ಅವರು ‘Sex'(ಲೈಂಗಿಕತೆ ಅಥವಾ ಲೈಂಗಿಕ ಕ್ರಿಯೆ) ಎಂದು ಉತ್ತರ ನೀಡಿರುವುದಾಗಿ ಬರೆದುಕೊಂಡಿದ್ದಾರೆ. ಎಕ್ಸ್‌ ಬಳಕೆದಾರರು ಹಂಚಿಕೊಂಡ ವಿಡಿಯೋ ನೋಡಿದರೆ, ಮಹುವಾ ಮೊಯಿತ್ರಾ ‘Sex’ಎಂದೇ ಹೇಳಿದಂತೆ ಕೇಳುತ್ತಿದೆ.

ಪೋಸ್ಟ್ ಲಿಂಕ್ ಇಲ್ಲಿದೆ 

ಫ್ಯಾಕ್ಟ್‌ಚೆಕ್ : ವೈರಲ್ ವಿಡಿಯೋದಲ್ಲಿರುವಂತೆ ಮಹುವಾ ಮೊಯಿತ್ರಾ ಅವರು ತನ್ನ ಶಕ್ತಿಯಾ ಅಥವಾ ಉತ್ಸಾಹದ ಮೂಲ ‘ಸೆಕ್ಸ್’ ಎಂದು ಹೇಳಿದ್ದಾರಾ? ಎಂಬುವುದನ್ನು ನಾನುಗೌರಿ.ಕಾಂ ಪರಿಶೀಲನೆ ನಡೆಸಿದೆ.

ವೈರಲ್ ವಿಡಿಯೋದಲ್ಲಿರುವ ಅಂಶ ಸತ್ಯವೇ? ಎಂದು ತಿಳಿದುಕೊಳ್ಳಲು ನಾವು ಮೂಲ ವಿಡಿಯೋ ಹುಡುಕಿದ್ದೇವೆ. ಇದಕ್ಕಾಗಿ ನಾವು ‘ನ್ಯೂಸ್ ದಿ ಟ್ರುತ್’ನ ಅಧಿಕೃತ ಯೂಟ್ಯೂಬ್ ಪೇಜ್ ನೋಡಿದ್ದೇವೆ.
ಅಲ್ಲಿ, “I am Unapologetic”: TMC Mahua Moitra in Conversation with Tamal Saha | Lok Sabha Election 2024″ ಎಂಬ ಶೀರ್ಷಿಕೆಯಲ್ಲಿ ಏಪ್ರಿಲ್ 13, 2024ರಂದು ಅಪ್ಲೋಡ್ ಮಾಡಲಾದ ವಿಡಿಯೋ ದೊರೆತಿದೆ.

ಯೂಟ್ಯೂಬ್ ಲಿಂಕ್ ಇಲ್ಲಿದೆ 

ಒಟ್ಟು 37 ನಿಮಿಷ 22 ಸೆಕೆಂಡ್‌ನ ವಿಡಿಯೋದಲ್ಲಿ ಎರಡು ನಿಮಿಷ 35 ಸೆಕೆಂಡ್‌ನಿಂದ ವೈರಲ್ ಕ್ಲಿಪ್‌ನಲ್ಲಿರುವ ಹೇಳಿಕೆಯಿದೆ. ವೈರಲ್ ಕ್ಲಿಪ್‌ ಅನ್ನು ಇಂಗ್ಲಿಷ್ ಫ್ಯಾಕ್ಟ್‌ ಚೆಕ್ಕಿಂಗ್ ವೆಬ್‌ಸೈಟ್‌ altnews.in ನಿಧಾನ ಮಾಡಿ (Slowdown)ಮಾಡಿ ಪರಿಶೀಲಿಸಿದೆ. ಅದರಲ್ಲಿ ಮಹುವಾ ಅವರು ‘Eggs,eggs'(ಮೊಟ್ಟೆ, ಮೊಟ್ಟೆ) ಎಂದು ಹೇಳುತ್ತಿರುವುದು ಸ್ಪಷ್ಟವಾಗಿ ಕೇಳಿಸುತ್ತಿದೆ.

ಹಾಗಾಗಿ, ನಿಮ್ಮ ಶಕ್ತಿಯ ಮೂಲವೇನು? ಎಂದು ಕೇಳಿದ್ದಕ್ಕೆ ಮಹುವಾ ಅವರು ‘ಎಗ್ಸ್‌ ‘(ಮೊಟ್ಟೆ) ಎಂದು ಹೇಳಿದ್ದಾರೆಯೇ ಹೊರತು, ಸೆಕ್ಸ್‌ (ಲೈಂಗಿಕ ಕ್ರಿಯೆ) ಎಂದು ಹೇಳಿಲ್ಲಎಂಬುವುದನ್ನು ಖಚಿತಪಡಿಸಬಹುದು.

ಇನ್ನು ಇದೇ ವಿಷಯಕ್ಕೆ ಸಂಬಂಧಪಟ್ಟಂತೆ, ಮಹುವಾ ಅವರನ್ನು ಮಾತನಾಡಿಸಿದ್ದ ಪತ್ರಕರ್ತ ತಮಾಲ್ ಶಾ ಅವರು ಏಪ್ರಿಲ್ 18, 2024ರಂದು ಎಕ್ಸ್‌ನಲ್ಲಿ ಪೋಸ್ಟ್ ಒಂದನ್ನು ಹಾಕಿದ್ದು, ” ನಾನು ಮಹುವಾ ಮೊಯಿತ್ರಾ ಅವರಿಗೆ ನಿಮ್ಮ ಶಕ್ತಿಯ ಮೂಲವೇನೆಂದು ಕೇಳಿದೆ. ಅದಕ್ಕೆ ಅವರು ಮೊಟ್ಟೆಗಳು ಎಂದು ಹೇಳಿದ್ದಾರೆ. ಭಕ್ತ ಮಂಡಳಿಯವರು ಅದನ್ನು ‘ಸೆಕ್ಸ್’ ಎಂದು ತಿರುಚಿದ್ದಾರೆ” ಎಂದು ಸ್ಪಷ್ಟಪಡಿಸಿದ್ದಾರೆ.

ಆದ್ದರಿಂದ, ನಿಮ್ಮ ಶಕ್ತಿಯ ಮೂಲ ಯಾವುದು? ಎಂದು ಕೇಳಿದ್ದಕ್ಕೆ ಮಹುವಾ ಮೊಯಿತ್ರಾ ಅವರು ಎಗ್ಸ್ ( ಮೊಟ್ಟೆ) ಎಂದಿದ್ದಾರೆಯೇ ಹೊರತು, ಸೆಕ್ಸ್ (ಲೈಂಗಿಕತೆ) ಎಂದಿಲ್ಲ ಎಂಬುವುದು ನಮ್ಮ ಪರಿಶೀಲನೆಯಲ್ಲಿ ತಿಳಿದು ಬಂದಿದೆ.

ಇದನ್ನೂ ಓದಿ : Fact Check : ಕಾಂಗ್ರೆಸ್ ಅಭ್ಯರ್ಥಿ ಗೀತಾ ಶಿವರಾಜ್ ಕುಮಾರ್ ಹಣೆ ಮೇಲಿನ ಕುಂಕುಮ ಅಳಿಸಿದ್ದು ನಿಜಾನಾ?

ಸತ್ಯದ ಪಥಕ್ಕೆ ಬಲ ತುಂಬಲು ದೇಣಿಗೆ ನೀಡಿ. ನಿಮ್ಮಗಳ ಬೆಂಬಲವೇ ನಮಗೆ ಬಲ. ಈ ಕೆಳಗಿನ ಲಿಂಕ್ ಮೂಲಕ ದೇಣಿಗೆ ನೀಡಿ

LEAVE A REPLY

Please enter your comment!
Please enter your name here

- Advertisment -

Must Read

ನೀಟ್ ಕೃಪಾಂಕ ರದ್ದು ಹಗರಣ ಮುಚ್ಚಿ ಹಾಕುವ ಪ್ರಯತ್ನ : ಎಂ.ಕೆ ಸ್ಟಾಲಿನ್

0
ನೀಟ್ ವಿದ್ಯಾರ್ಥಿಗಳ ಕೃಪಾಂಕ ರದ್ದುಗೊಳಿಸಿ ಮರು ಪರೀಕ್ಷೆಗೆ ಮುಂದಾಗಿರುವುದು ಹಗರಣವನ್ನು ಮುಚ್ಚಿ ಹಾಕುವ ಪ್ರಯತ್ನ ಎಂದು ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ ಸ್ಟಾಲಿನ್ ಹೇಳಿದ್ದಾರೆ. ನೀಟ್ ಪರೀಕ್ಷೆಯಲ್ಲಿ ಹಗರಣದ ಆರೋಪ ಕೇಳಿ ಬಂದ ಬೆನ್ನಲ್ಲೇ 1,563...