ರಾಜ್ಯ ರಾಜಕೀಯದ ಶಕ್ತಿಕೇಂದ್ರವಾದ ಬೆಂಗಳೂರಿನ 28 ವಿಧಾನಸಭಾ ಕ್ಷೇತ್ರಗಳಲ್ಲಿ ‘ವಿಶೇಷ ಮತದಾರರ ಪಟ್ಟಿ ಪರಿಷ್ಕರಣೆ (SIR)’ ಪ್ರಕ್ರಿಯೆಯು ಮಹತ್ವದ ರಾಜಕೀಯ ಮತ್ತು ಆಡಳಿತಾತ್ಮಕ ಚರ್ಚೆಯನ್ನು ಹುಟ್ಟುಹಾಕಿದೆ. ಎಸ್ಐಆರ್ಗೂ ಮುನ್ನ ನಗರದಲ್ಲಿದ್ದ ಸುಮಾರು 1.03 ಕೋಟಿ ನೋಂದಾಯಿತ ಮತದಾರರ ಪೈಕಿ 46.88 ಲಕ್ಷ ಮತದಾರರು (ಶೇ. 45.4) ‘ASDDO’ (Absent, Shifted, Dead, Duplicate and Others) ವರ್ಗಕ್ಕೆ ಸೇರ್ಪಡೆಯಾಗಿದ್ದಾರೆ. ಅಂದರೆ ನಗರದ ಒಟ್ಟು ಮತದಾರರ ಪೈಕಿ ಅರ್ಧದಷ್ಟು ಹೆಸರುಗಳು ಸದ್ಯ ತನಿಖೆ ಮತ್ತು ಪರಿಶೀಲನೆಯ ವ್ಯಾಪ್ತಿಯಲ್ಲಿವೆ.
ಈ ಬೃಹತ್ ಬದಲಾವಣೆಯು ಮುಂಬರುವ ವಿಧಾನಸಭೆ ಚುನಾವಣೆಗಳಲ್ಲಿ ರಾಜಕೀಯ ಪಕ್ಷಗಳ ಬೂತ್ ಮಟ್ಟದ ತಂತ್ರಗಾರಿಕೆಯನ್ನು ಸಂಪೂರ್ಣವಾಗಿ ಬದಲಾಯಿಸುವಂತೆ ಮಾಡಿದೆ. ASDDO ಪಟ್ಟಿಯಲ್ಲಿರುವ ಒಟ್ಟು 46.88 ಲಕ್ಷ ಮತದಾರರ ಪೈಕಿ 27.69 ಲಕ್ಷ ಮತದಾರರು (ಶೇ. 59) ಬಿಜೆಪಿ ಶಾಸಕರಿರುವ 15 ಕ್ಷೇತ್ರಗಳ ವ್ಯಾಪ್ತಿಯಲ್ಲಿದ್ದರೆ, ಕಾಂಗ್ರೆಸ್ ಪ್ರತಿನಿಧಿಸುವ 12 ಕ್ಷೇತ್ರಗಳಲ್ಲಿ 16.79 ಲಕ್ಷ ಮತದಾರರು (ಶೇ. 36) ಈ ವರ್ಗದಲ್ಲಿದ್ದಾರೆ.
ಹಾಗೆಯೇ ದಾಸರಹಳ್ಳಿಯ ಏಕೈಕ ಜೆಡಿಎಸ್ ಶಾಸಕ ಆರ್. ಮಂಜುನಾಥ್ ಕ್ಷೇತ್ರದಲ್ಲಿ ಸುಮಾರು 2.46 ಲಕ್ಷದಿಂದ 2.47 ಲಕ್ಷ ಮತದಾರರು (ಶೇ. 53.5%) ASDDO ವರ್ಗಕ್ಕೆ ಸೇರ್ಪಡೆಯಾಗಿದ್ದಾರೆ. ದಾಸರಹಳ್ಳಿ ಕ್ಷೇತ್ರದ ಒಟ್ಟು ಮತದಾರರ ಪೈಕಿ ಶೇ. 53.55ರಷ್ಟು ಹೆಸರುಗಳು ಪರಿಶೀಲನಾ ವ್ಯಾಪ್ತಿಗೆ ಬಂದಿವೆ. ಇಲ್ಲಿ ಒಟ್ಟು ನೋಂದಾಯಿತ ಮತದಾರರು ಸುಮಾರು 4.62 ಲಕ್ಷದಿಂದ 4.71 ಲಕ್ಷ, ASDDO ಪಟ್ಟಿಗೆ ಸೇರಿರುವ ಮತದಾರರ ಸಂಖ್ಯೆ 2,46,790
ಬೆಂಗಳೂರು ದಕ್ಷಿಣ ಕ್ಷೇತ್ರದಲ್ಲಿ ಅತಿ ಹೆಚ್ಚು ಅಂದರೆ 3.63 ಲಕ್ಷ ಮತದಾರರು ASDDO ಪಟ್ಟಿಯಲ್ಲಿದ್ದಾರೆ. ರಾಜಾಜಿನಗರದಲ್ಲೂ 1 ಲಕ್ಷಕ್ಕೂ ಅಧಿಕ ಹೆಸರುಗಳು ಪರಿಶೀಲನೆಯ ವಲಯದಲ್ಲಿವೆ. ಕಾಂಗ್ರೆಸ್ ವಲಯದಲ್ಲಿ ಗಾಂಧಿನಗರ ಒಂದರಲ್ಲೇ 1.12 ಲಕ್ಷ ಮತಗಳು ಈ ಪಟ್ಟಿಯಲ್ಲಿದ್ದರೆ, ಶಿವಾಜಿನಗರದಲ್ಲಿ ಅತ್ಯಂತ ಕಡಿಮೆ ಅಂದರೆ 81,236 ಮತದಾರರು ಈ ವರ್ಗಕ್ಕೆ ಬಂದಿದ್ದಾರೆ.
ಆದರೆ, ಈ ಅಂಕಿ-ಅಂಶಗಳನ್ನು ನೇರವಾಗಿ ಪಕ್ಷಗಳ ಮತಗಳ ನಷ್ಟವೆಂದು ಪರಿಗಣಿಸಲು ಸಾಧ್ಯವಿಲ್ಲ. ಚುನಾವಣಾ ಆಯೋಗದ ದತ್ತಾಂಶದಲ್ಲಿ ಮತದಾರನ ರಾಜಕೀಯ ಒಲವು ದಾಖಲಾಗುವುದಿಲ್ಲ. ಹೀಗಾಗಿ, ಈ ಬದಲಾವಣೆಯು ಎರಡು ಪ್ರಮುಖ ಪಕ್ಷಗಳಿಗೂ ಸಮಾನ ಸವಾಲನ್ನು ಒಡ್ಡಿದೆ.
ಆದರೆ, ಈ ಅಂಕಿ-ಅಂಶಗಳನ್ನು ನೇರವಾಗಿ ಪಕ್ಷಗಳ ಮತಗಳ ನಷ್ಟವೆಂದು ಪರಿಗಣಿಸಲು ಸಾಧ್ಯವಿಲ್ಲ. ಚುನಾವಣಾ ಆಯೋಗದ ದತ್ತಾಂಶದಲ್ಲಿ ಮತದಾರನ ರಾಜಕೀಯ ಒಲವು ದಾಖಲಾಗುವುದಿಲ್ಲ. ಹೀಗಾಗಿ, ಈ ಬದಲಾವಣೆಯು ಎರಡು ಪ್ರಮುಖ ಪಕ್ಷಗಳಿಗೂ ಸಮಾನ ಸವಾಲನ್ನು ಒಡ್ಡಿದೆ.
ಬೆಂಗಳೂರಿನ ಒಟ್ಟು 28 ಕ್ಷೇತ್ರಗಳ ಪೈಕಿ 15 ಬಿಜೆಪಿ, 12 ಕಾಂಗ್ರೆಸ್ ಹಾಗೂ 1 ಜೆಡಿಎಸ್ ಶಾಸಕರಿದ್ದಾರೆ. ಎಸ್ಐಆರ್ ಪ್ರಕ್ರಿಯೆಗೂ ಮುನ್ನ ನಗರದಲ್ಲಿ ಒಟ್ಟು 1.03 ಕೋಟಿ ಮತದಾರರಿದ್ದರು. ಪರಿಶೀಲನೆಯ ನಂತರ ಒಟ್ಟು 46,88,000 ಮತದಾರರು ASDDO ಪಟ್ಟಿಗೆ ಸೇರಿದಂತಾಗಿದ್ದು, ಒಟ್ಟಾರೆಯಾಗಿ ಬೆಂಗಳೂರಿನಲ್ಲಿ ಶೇ. 45.4% ರಷ್ಟು ಮತದಾರರು ಪರಿಶೀಲನಾ ವ್ಯಾಪ್ತಿಗೆ ಒಳಪಟ್ಟಿದ್ದಾರೆ.
| ಕ್ರ.ಸಂ. | ಕ್ಷೇತ್ರ ಸಂಖ್ಯೆ | ವಿಧಾನಸಭಾ ಕ್ಷೇತ್ರ | ಹಾಲಿ ಶಾಸಕರು (ಪಕ್ಷ) | SIR ಪ್ರಕ್ರಿಯೆಗೂ ಮುನ್ನ ಮತದಾರರು | ASDDO ಪಟ್ಟಿಗೆ ಸೇರಿದ ಮತದಾರರು | ಕಡಿಮೆಯಾದ ಪ್ರಮಾಣ (ಶೇಕಡಾವಾರು) |
| 1 | 150 | ಯಲಹಂಕ | ವಿಶ್ವನಾಥ್ S.R. (BJP) | 4,82,100 | 2,16,900 | 45.0% |
| 2 | 151 | ಕೆ.ಆರ್. ಪುರ | ಬಸವರಾಜ್ (BJP) | 5,25,400 | 2,41,600 | 46.0% |
| 3 | 152 | ಬ್ಯಾಟರಾಯನಪುರ | ಕೃಷ್ಣ ಬೈರೇಗೌಡ (INC) | 5,10,200 | 2,24,500 | 44.0% |
| 4 | 153 | ಯಶವಂತಪುರ | S.T. ಸೋಮಶೇಖರ್ (BJP) | 5,62,800 | 2,53,200 | 45.0% |
| 5 | 154 | ರಾಜರಾಜೇಶ್ವರಿ ನಗರ | ಮುನಿರತ್ನ (BJP) | 4,95,600 | 2,23,000 | 45.0% |
| 6 | 155 | ದಾಸರಹಳ್ಳಿ | S. ಮುನಿರಾಜು (BJP) | 4,88,300 | 2,29,500 | 47.0% |
| 7 | 156 | ಮಹಾಲಕ್ಷ್ಮಿ ಲೇಔಟ್ | K. Gopalaiah (BJP) | 2,92,400 | 1,28,600 | 44.0% |
| 8 | 157 | ಮಲ್ಲೇಶ್ವರಂ | C.N. ಅಶ್ವತ್ಥನಾರಾಯಣ (BJP) | 2,21,500 | 99,600 | 45.0% |
| 9 | 158 | ಹೆಬ್ಬಾಳ | ಸುರೇಶ್ ಬಿ.ಎಸ್. (INC) | 2,84,600 | 1,25,200 | 44.0% |
| 10 | 159 | ಪುಲಿಕೇಶಿನಗರ | A.C. ಶ್ರೀನಿವಾಸ್ (INC) | 2,42,100 | 1,06,500 | 44.0% |
| 11 | 160 | ಸರ್ವಜ್ಞನಗರ | ಕೆ.ಜೆ. ಜಾರ್ಜ್ (INC) | 3,58,900 | 1,61,500 | 45.0% |
| 12 | 161 | ಸಿ.ವಿ. ರಾಮನ್ ನಗರ | S. ರಘು (BJP) | 2,78,200 | 1,25,200 | 45.0% |
| 13 | 162 | ಶಿವಾಜಿನಗರ | ರಿಜ್ವಾನ್ ಅರ್ಷದ್ (INC) | 1,98,100 | 81,236 | 41.0% |
| 14 | 163 | ಶಾಂತಿನಗರ | ಎನ್.ಎ. ಹ್ಯಾರಿಸ್ (INC) | 2,28,500 | 1,00,500 | 44.0% |
| 15 | 164 | ಗಾಂಧಿನಗರ | ದಿನೇಶ್ ಗುಂಡೂರಾವ್ (INC) | 2,60,400 | 1,12,000 | 43.0% |
| 16 | 165 | ರಾಜಾಜಿನಗರ | S. ಸುರೇಶ್ ಕುಮಾರ್ (BJP) | 2,26,800 | 1,04,300 | 46.0% |
| 17 | 166 | ಗೋವಿಂದರಾಜ ನಗರ | ಪ್ರಿಯಾ ಕೃಷ್ಣ (INC) | 2,98,400 | 1,34,200 | 45.0% |
| 18 | 167 | ವಿಜಯನಗರ | M. ಕೃಷ್ಣಪ್ಪ (INC) | 3,12,000 | 1,40,400 | 45.0% |
| 19 | 168 | ಚಾಮರಾಜಪೇಟೆ | B.Z. ಜಮೀರ್ ಅಹಮದ್ (INC) | 2,32,100 | 1,02,100 | 44.0% |
| 20 | 169 | ಚಿಕ್ಕಪೇಟೆ | ಉದಯ್ B. ಗರುಡಾಚಾರ್ (BJP) | 2,28,900 | 1,05,300 | 46.0% |
| 21 | 170 | ಬಸವನಗುಡಿ | L.A. ರವಿ ಸುಬ್ರಹ್ಮಣ್ಯ (BJP) | 2,48,600 | 1,14,300 | 46.0% |
| 22 | 171 | ಪದ್ಮನಾಭನಗರ | R. ಅಶೋಕ್ (BJP) | 2,84,300 | 1,30,800 | 46.0% |
| 23 | 172 | ಬಿ.ಟಿ.ಎಮ್. ಲೇಔಟ್ | ರಾಮಲಿಂಗಾರೆಡ್ಡಿ (INC) | 2,75,400 | 1,23,900 | 45.0% |
| 24 | 173 | ಜಯನಗರ | C.K. ರಾಮಮೂರ್ತಿ (BJP) | 2,08,200 | 95,700 | 46.0% |
| 25 | 174 | ಮಹದೇವಪುರ | ಮಂಜುಳಾ ಲಿಂಬಾವಳಿ (BJP) | 6,18,500 | 2,84,500 | 46.0% |
| 26 | 175 | ಬೊಮ್ಮನಹಳ್ಳಿ | M. ಸತೀಶ್ ರೆಡ್ಡಿ (BJP) | 4,72,100 | 2,17,100 | 46.0% |
| 27 | 176 | ಬೆಂಗಳೂರು ದಕ್ಷಿಣ | M. ಕೃಷ್ಣಪ್ಪ (BJP) | 7,56,200 | 3,63,000 | 48.0% |
| 28 | 177 | ಆನೆಕಲ್ | B. ಶಿವಣ್ಣ (INC) | 4,12,500 | 1,85,600 | 45.0% |
| ಒಟ್ಟು | — | 28 ಕ್ಷೇತ್ರಗಳು | 15 BJP / 12 INC / 1 JDS | 1.03 ಕೋಟಿ | 46,88,000 | 45.4% |
ಬೆಂಗಳೂರು ದಕ್ಷಿಣ ಕ್ಷೇತ್ರದಲ್ಲಿ ಅತಿ ಹೆಚ್ಚು ಅಂದರೆ 3.63 ಲಕ್ಷ ಮತದಾರರು ASDDO ಪಟ್ಟಿಯಲ್ಲಿದ್ದಾರೆ. ರಾಜಾಜಿನಗರದಲ್ಲೂ 1 ಲಕ್ಷಕ್ಕೂ ಅಧಿಕ ಹೆಸರುಗಳು ಪರಿಶೀಲನೆಯ ವಲಯದಲ್ಲಿವೆ. ಕಾಂಗ್ರೆಸ್ ವಲಯದಲ್ಲಿ ಗಾಂಧಿನಗರ ಒಂದರಲ್ಲೇ 1.12 ಲಕ್ಷ ಮತಗಳು ಈ ಪಟ್ಟಿಯಲ್ಲಿದ್ದರೆ, ಶಿವಾಜಿನಗರದಲ್ಲಿ ಅತ್ಯಂತ ಕಡಿಮೆ ಅಂದರೆ 81,236 ಮತದಾರರು ಈ ವರ್ಗಕ್ಕೆ ಬಂದಿದ್ದಾರೆ.
ಆದರೆ, ಈ ಅಂಕಿ-ಅಂಶಗಳನ್ನು ನೇರವಾಗಿ ಪಕ್ಷಗಳ ಮತಗಳ ನಷ್ಟವೆಂದು ಪರಿಗಣಿಸಲು ಸಾಧ್ಯವಿಲ್ಲ. ಚುನಾವಣಾ ಆಯೋಗದ ದತ್ತಾಂಶದಲ್ಲಿ ಮತದಾರನ ರಾಜಕೀಯ ಒಲವು ದಾಖಲಾಗುವುದಿಲ್ಲ. ಹೀಗಾಗಿ, ಈ ಬದಲಾವಣೆಯು ಎರಡು ಪ್ರಮುಖ ಪಕ್ಷಗಳಿಗೂ ಸಮಾನ ಸವಾಲನ್ನು ಒಡ್ಡಿದೆ.
2023ರ ಬೆಂಗಳೂರು ನಗರದ 28 ಕ್ಷೇತ್ರಗಳ ಗೆಲುವಿನ ಅಂತರದ ಪಟ್ಟಿ
| ಕ್ರ.ಸಂ. | ಕ್ಷೇತ್ರ ಸಂಖ್ಯೆ | ವಿಧಾನಸಭಾ ಕ್ಷೇತ್ರ | ವಿಜೇತ ಅಭ್ಯರ್ಥಿ (ಪಕ್ಷ) | ಸನ್ನಿಹಿತ ಸ್ಪರ್ಧಿ / ದ್ವಿತೀಯ ಸ್ಥಾನಿ (ಪಕ್ಷ) | ಗೆಲುವಿನ ಅಂತರ (ಮತಗಳು) |
| 1 | 150 | ಯಲಹಂಕ | ಎಸ್.ಆರ್. ವಿಶ್ವನಾಥ್ (BJP) | ಬಿ. ಕೇಶವ ರಾಜಣ್ಣ (INC) | 64,110 |
| 2 | 151 | ಕೆ.ಆರ್. ಪುರ | ಬಸವರಾಜ್ (BJP) | ಡಿ.ಕೆ. ಮೋಹನ್ (INC) | 24,301 |
| 3 | 152 | ಬ್ಯಾಟರಾಯನಪುರ | ಕೃಷ್ಣ ಬೈರೇಗೌಡ (INC) | ಹೆಚ್.ಸಿ. ತಮ್ಮೇಶ್ಗೌಡ (BJP) | 38,204 |
| 4 | 153 | ಯಶವಂತಪುರ | ಎಸ್.ಟಿ. ಸೋಮಶೇಖರ್ (BJP) | ಜವರಾಯಿಗೌಡ (JDS) | 15,118 |
| 5 | 154 | ರಾಜರಾಜೇಶ್ವರಿ ನಗರ | ಮುನಿರತ್ನ (BJP) | ಕುಸುಮಾ ಹೆಚ್. (INC) | 11,842 |
| 6 | 155 | ದಾಸರಹಳ್ಳಿ | ಎಸ್. ಮುನಿರಾಜು (BJP) | ಆರ್. ಮಂಜುನಾಥ್ (JDS) | 9,194 |
| 7 | 156 | ಮಹಾಲಕ್ಷ್ಮಿ ಲೇಔಟ್ | ಕೆ. ಗೋಪಾಲಯ್ಯ (BJP) | ಎಸ್. ಕೇಶವಮೂರ್ತಿ (INC) | 51,165 |
| 8 | 157 | ಮಲ್ಲೇಶ್ವರಂ | ಡಾ. ಸಿ.ಎನ್. ಅಶ್ವತ್ಥನಾರಾಯಣ (BJP) | ಅನೂಪ್ ಅಯ್ಯಂಗಾರ್ (INC) | 41,302 |
| 9 | 158 | ಹೆಬ್ಬಾಳ | ಸುರೇಶ್ ಬಿ.ಎಸ್. (INC) | ಜಗದೀಶ್ ಕಷ್ಟಿ (BJP) | 30,754 |
| 10 | 159 | ಪುಲಿಕೇಶಿನಗರ | ಎ.ಸಿ. ಶ್ರೀನಿವಾಸ್ (INC) | ಅಖಂಡ ಶ್ರೀನಿವಾಸ ಮೂರ್ತಿ (BSP) | 62,210 |
| 11 | 160 | ಸರ್ವಜ್ಞನಗರ | ಕೆ.ಜೆ. ಜಾರ್ಜ್ (INC) | ಪದ್ಮನಾಭ ರೆಡ್ಡಿ (BJP) | 55,768 |
| 12 | 161 | ಸಿ.ವಿ. ರಾಮನ್ ನಗರ | ಎಸ್. ರಘು (BJP) | ಎಸ್. ಆನಂದ್ ಕುಮಾರ್ (INC) | 16,395 |
| 13 | 162 | ಶಿವಾಜಿನಗರ | ರಿಜ್ವಾನ್ ಅರ್ಷದ್ (INC) | ಎನ್. ಚಂದ್ರ (BJP) | 23,194 |
| 14 | 163 | ಶಾಂತಿನಗರ | ಎನ್.ಎ. ಹ್ಯಾರಿಸ್ (INC) | ಕೆ. ಶಿವಕುಮಾರ್ (BJP) | 7,125 |
| 15 | 164 | ಗಾಂಧಿನಗರ | ದಿನೇಶ್ ಗುಂಡೂರಾವ್ (INC) | ಎ.ಆರ್. ಸಪ್ತಗಿರಿ ಗೌಡ (BJP) | 105 |
| 16 | 165 | ರಾಜಾಜಿನಗರ | ಎಸ್. ಸುರೇಶ್ ಕುಮಾರ್ (BJP) | ಪುಟ್ಟಣ್ಣ (INC) | 8,060 |
| 17 | 166 | ಗೋವಿಂದರಾಜ ನಗರ | ಪ್ರಿಯಾ ಕೃಷ್ಣ (INC) | ಕೆ. ಉಮೇಶ್ ಶೆಟ್ಟಿ (BJP) | 12,525 |
| 18 | 167 | ವಿಜಯನಗರ | M. ಕೃಷ್ಣಪ್ಪ (INC) | ಹೆಚ್. ರವೀಂದ್ರ (BJP) | 7,324 |
| 19 | 168 | ಚಾಮರಾಜಪೇಟೆ | B.Z. ಜಮೀರ್ ಅಹಮದ್ ಖಾನ್ (INC) | ಭಾಸ್ಕರ್ ರಾವ್ (BJP) | 53,953 |
| 20 | 169 | ಚಿಕ್ಕಪೇಟೆ | ಉದಯ್ ಬಿ. ಗರುಡಾಚಾರ್ (BJP) | ಆರ್.ವಿ. ದೇವರಾಜ್ (INC) | 12,113 |
| 21 | 170 | ಬಸವನಗುಡಿ | ಎಲ್.ಎ. ರವಿ ಸುಬ್ರಹ್ಮಣ್ಯ (BJP) | ಯು.ಬಿ. ವೆಂಕಟೇಶ್ (INC) | 54,978 |
| 22 | 171 | ಪದ್ಮನಾಭನಗರ | R. ಅಶೋಕ್ (BJP) | ವಿ. ರಘುನಾಥ ನಾಯ್ಡು (INC) | 55,175 |
| 23 | 172 | ಬಿ.ಟಿ.ಎಮ್. ಲೇಔಟ್ | ರಾಮಲಿಂಗಾರೆಡ್ಡಿ (INC) | ಶ್ರೀಧರ್ ರೆಡ್ಡಿ (BJP) | 9,222 |
| 24 | 173 | ಜಯನಗರ | ಸಿ.ಕೆ. ರಾಮಮೂರ್ತಿ (BJP) | ಸೌಮ್ಯಾ ರೆಡ್ಡಿ (INC) | 16 |
| 25 | 174 | ಮಹದೇವಪುರ | ಮಂಜುಳಾ ಲಿಂಬಾವಳಿ (BJP) | ಹೆಚ್. ನಾಗೇಶ್ (INC) | 44,501 |
| 26 | 175 | ಬೊಮ್ಮನಹಳ್ಳಿ | M. ಸತೀಶ್ ರೆಡ್ಡಿ (BJP) | ಉಮಾಪತಿ ಶ್ರೀನಿವಾಸ ಗೌಡ (INC) | 24,215 |
| 27 | 176 | ಬೆಂಗಳೂರು ದಕ್ಷಿಣ | M. ಕೃಷ್ಣಪ್ಪ (BJP) | ಆರ್. ಕೆ. ರಮೇಶ್ (INC) | 51,299 |
| 28 | 177 | ಆನೆಕಲ್ | B. ಶಿವಣ್ಣ (INC) | ಹುಲ್ಲಹಳ್ಳಿ ಶ್ರೀನಿವಾಸ್ (BJP) | 31,325 |
2023ರಲ್ಲಿ ವಿಧಾನಸಭಾ ಚುನಾವಣೆಯಲ್ಲಿ ದಾಖಲಾದ ಫಲಿತಾಂಶಗಳಲ್ಲಿನ ಕಡಿಮೆ ಗೆಲುವಿನ ಅಂತರವನ್ನು ಈ ಪರಿಷ್ಕರಣೆಗೆ ಹೋಲಿಸಿದಾಗ, ಮುಂದಿನ ಚುನಾವಣೆಯಲ್ಲಿ ರಾಜಕೀಯ ಪಕ್ಷಗಳ ಮೇಲಾಗುವ ರಾಜಕೀಯ ಪರಿಣಾಮ ಮತ್ತು ಲಾಭ-ನಷ್ಟದ ಲೆಕ್ಕಾಚಾರಗಳು ಇಲ್ಲಿವೆ. 2023ರ ಚುನಾವಣೆಯಲ್ಲಿ ಅತ್ಯಂತ ಕಡಿಮೆ ಅಂತರದಿಂದ ನಿರ್ಧಾರವಾದ ಕ್ಷೇತ್ರಗಳಲ್ಲಿ ಮತದಾರರ ಪಟ್ಟಿ ತೀವ್ರ ಪರಿಷ್ಕರಣೆ ಚುನಾವಣಾ ಚಿತ್ರಣವನ್ನೇ ಬದಲಾಯಿಸುವ ಸಾಮರ್ಥ್ಯ ಹೊಂದಿದೆ.
- ಜಯನಗರ (ಗೆಲುವಿನ ಅಂತರ: ಕೇವಲ 16 ಮತಗಳು – BJP ಗೆಲುವು):
ಜಯನಗರದಲ್ಲಿ 95,700 ಮತದಾರರು (46%) ASDDO ಪಟ್ಟಿಯಲ್ಲಿದ್ದಾರೆ. ಕಳೆದ ಬಾರಿ ಸಿ.ಕೆ. ರಾಮಮೂರ್ತಿ (BJP) ಮತ್ತು ಸೌಮ್ಯಾ ರೆಡ್ಡಿ (INC) ನಡುವಿನ ಜಿದ್ದಾಜಿದ್ದಿನಲ್ಲಿ ಗೆಲುವಿನ ಅಂತರ ಕೇವಲ 16 ಮತಗಳಷ್ಟಿತ್ತು. ಇಲ್ಲಿ ಪಟ್ಟಿಯಿಂದ ಹೊರಬಿದ್ದಿರುವ ಅಥವಾ ಪರಿಶೀಲನೆಗೆ ಒಳಪಟ್ಟಿರುವ ಪ್ರತಿಯೊಂದು ಮತವೂ ನಿರ್ಣಾಯಕ. ಆಡಳಿತ ಮತ್ತು ವಿರೋಧ ಪಕ್ಷಗಳೆರಡಕ್ಕೂ ಈ ಕ್ಷೇತ್ರದಲ್ಲಾಗುವ ಸಣ್ಣ ವ್ಯತ್ಯಾಸವೂ ದೊಡ್ಡ ನಷ್ಟ ಅಥವಾ ಲಾಭ ತರಬಹುದು. - ಗಾಂಧಿನಗರ (ಗೆಲುವಿನ ಅಂತರ: 105 ಮತಗಳು – INC ಗೆಲುವು):
ದಿನೇಶ್ ಗುಂಡೂರಾವ್ ಅವರು ಕೇವಲ 105 ಮತಗಳಿಂದ ಗೆದ್ದಿದ್ದರು. ಪ್ರಸ್ತುತ ಗಾಂಧಿನಗರದಲ್ಲಿ 1,12,000 ಮತದಾರರು (~43%) ASDDO ಪಟ್ಟಿಯಲ್ಲಿದ್ದಾರೆ. ಸಾಂಪ್ರದಾಯಿಕ ಮತಬ್ಯಾಂಕ್ಗಳಲ್ಲಿ ಮತಗಳು ಡಿಲೀಟ್ ಆಗಿದ್ದರೆ ಕಾಂಗ್ರೆಸ್ಗೆ ಆತಂಕಕಾರಿ; ಅದೇ ರೀತಿ ಹೊಸದಾಗಿ ಸೇರ್ಪಡೆಯಾಗುವ ಮತಗಳನ್ನು ಹಿಡಿದಿಟ್ಟುಕೊಳ್ಳುವುದು ಬಿಜೆಪಿಗೂ ಸವಾಲು. - ಶಾಂತಿನಗರ (7,125 ಮತಗಳು), ವಿಜಯನಗರ (7,324 ಮತಗಳು) ಮತ್ತು ರಾಜಾಜಿನಗರ (8,060 ಮತಗಳು):
ಈ ಕ್ಷೇತ್ರಗಳಲ್ಲಿ ಗೆಲುವಿನ ಅಂತರ 10,000ಕ್ಕಿಂತ ಕಡಿಮೆಯಿದ್ದು, ASDDO ಪಟ್ಟಿಯಲ್ಲಿರುವ ಮತದಾರರ ಸಂಖ್ಯೆ 1 ಲಕ್ಷಕ್ಕೂ ಹೆಚ್ಚಿದೆ. ಅಂದರೆ, ಪರಿಶೀಲನೆಗೆ ಒಳಗಾದ ಮತಗಳ ಪ್ರಮಾಣ ಗೆಲುವಿನ ಅಂತರಕ್ಕಿಂತ 10 ರಿಂದ 12 ಪಟ್ಟು ದೊಡ್ಡದಾಗಿದೆ.
ಬಿಜೆಪಿ (BJP) ಕ್ಷೇತ್ರಗಳ ಮೇಲಿನ ಪ್ರಭಾವ (15 ಕ್ಷೇತ್ರಗಳು):
- ಅತಿ ಹೆಚ್ಚು ವ್ಯತ್ಯಾಸ ಕಂಡ ಕ್ಷೇತ್ರಗಳು:
ಬೆಂಗಳೂರು ದಕ್ಷಿಣ (48%), ದಾಸರಹಳ್ಳಿ (47%), ರಾಜಾಜಿನಗರ, ಜಯನಗರ, ಮಹದೇವಪುರ, ಬೊಮ್ಮನಹಳ್ಳಿ, ಚಿಕ್ಕಪೇಟೆ, ಪದ್ಮನಾಭನಗರ (46%). ಬಿಜೆಪಿಯ ಸಾಂಪ್ರದಾಯಿಕ ಕೋರ್ ವೋಟ್ ಬ್ಯಾಂಕ್ (ಅಪಾರ್ಟ್ಮೆಂಟ್ ನಿವಾಸಿಗಳು, ಮಧ್ಯಮ ವರ್ಗ ಮತ್ತು ಸ್ಥಳೀಯ ನಿವಾಸಿಗಳು) ಹೊಂದಿರುವ ಮಹದೇವಪುರ, ಬೊಮ್ಮನಹಳ್ಳಿ ಹಾಗೂ ಬೆಂಗಳೂರು ದಕ್ಷಿಣ ಕ್ಷೇತ್ರಗಳಲ್ಲಿ ಭಾರಿ ಪ್ರಮಾಣದ (46-48%) ಮತದಾರರು ಪರಿಶೀಲನೆಗೆ ಒಳಪಟ್ಟಿದ್ದಾರೆ.
ಬೃಹತ್ ಗೆಲುವಿನ ಅಂತರ ಹೊಂದಿರುವ ಯಲಹಂಕ (64,110), ಮಹಾಲಕ್ಷ್ಮಿ ಲೇಔಟ್ (51,165), ಬಸವನಗುಡಿ (54,978) ಹಾಗೂ ಪದ್ಮನಾಭನಗರ (55,175) ಕ್ಷೇತ್ರಗಳಲ್ಲಿ ಬಿಜೆಪಿಗೆ ಈ ಬದಲಾವಣೆಯಿಂದ ತಕ್ಷಣಕ್ಕೆ ದೊಡ್ಡ ಅಪಾಯವಿಲ್ಲದಿದ್ದರೂ, ಅಂತರ ಕಡಿಮೆಯಿರುವ ಕ್ಷೇತ್ರಗಳಲ್ಲಿ (ರಾಜಾಜಿನಗರ, ಚಿಕ್ಕಪೇಟೆ, ಕೆ.ಆರ್. ಪುರ) ಕಠಿಣ ಸವಾಲು ಎದುರಾಗಬಹುದು.
ಕಾಂಗ್ರೆಸ್ (INC) ಕ್ಷೇತ್ರಗಳ ಮೇಲಿನ ಪ್ರಭಾವ (12 ಕ್ಷೇತ್ರಗಳು):
- ಅತಿ ಹೆಚ್ಚು ವ್ಯತ್ಯಾಸ ಕಂಡ ಕ್ಷೇತ್ರಗಳು:
ಬಿ.ಟಿ.ಎಮ್. ಲೇಔಟ್, ಗೋವಿಂದರಾಜ ನಗರ, ವಿಜಯನಗರ, ಸರ್ವಜ್ಞನಗರ, ಆನೆಕಲ್ (45%). ಕಾಂಗ್ರೆಸ್ ಪ್ರಬಲವಾಗಿರುವ ಶಿವಾಜಿನಗರ (41% – ನಗರದಲ್ಲೇ ಅತಿ ಕಡಿಮೆ ಕಡಿತ) ಹೊರತುಪಡಿಸಿ, ಉಳಿದೆಲ್ಲಾ ಕ್ಷೇತ್ರಗಳಲ್ಲಿ 43% ರಿಂದ 45% ರಷ್ಟು ಮತದಾರರು ASDDO ಪಟ್ಟಿಯಲ್ಲಿದ್ದಾರೆ.
ಸರ್ವಜ್ಞನಗರ (55,768), ಪುಲಿಕೇಶಿನಗರ (62,210) ಹಾಗೂ ಚಾಮರಾಜಪೇಟೆ (53,953) ಕ್ಷೇತ್ರಗಳಲ್ಲಿ ಕಾಂಗ್ರೆಸ್ ಬೃಹತ್ ಗೆಲುವಿನ ಅಂತರ ಹೊಂದಿರುವುದರಿಂದ ಸುರಕ್ಷಿತ ವಲಯದಲ್ಲಿದೆ. ಆದರೆ, ಬಿ.ಟಿ.ಎಮ್. ಲೇಔಟ್ (9,222 ಅಂತರ) ಹಾಗೂ ಗಾಂಧಿನಗರದಂತಹ ಕ್ಷೇತ್ರಗಳಲ್ಲಿ ಪ್ರತಿ ಮತದ ಸೇರ್ಪಡೆ/ಡಿಲೀಟ್ ಫಲಿತಾಂಶದ ಮೇಲೆ ನೇರ ಪರಿಣಾಮ ಬೀರಲಿದೆ.
ಬೆಂಗಳೂರಿನ ಒಟ್ಟು 28 ಕ್ಷೇತ್ರಗಳಲ್ಲಿ ನಡೆದಿರುವ ಎಸ್ಐಆರ್ ಪ್ರಕ್ರಿಯೆಯಿಂದ ಈಗಲೇ ಲಾಭ ಮತ್ತು ನಷ್ಟಗಳನ್ನು ಅಳೆಯುವುದು ಕಷ್ಟ. ಈ ಹಿಂದಿನ ಪ್ರತಿ ವಿಧಾನಸಭಾ ಚುನಾವಣೆಯಲ್ಲಿ ದಾಖಲಾಗುತ್ತಿದ್ದ ಒಟ್ಟು ಮತದಾನಕ್ಕೂ, ASDDO ವರ್ಗದಲ್ಲಿ ಮಾಡಲಾಗಿರುವ ಪಟ್ಟಿಗೂ ಒಂದು ರೀತಿಯ ಸಾಮ್ಯತೆ ಇರುವಂತೆ ಕಂಡುಬಂದರೂ ಅರ್ಹ ಮತದಾರರನ್ನು ತಮ್ಮ ಹಕ್ಕಿನಿಂದ ವಂಚಿಸುವಂತೆ ಮಾಡಿರುವುದಂತ ಸ್ಪಷ್ಟ. ಅಲ್ಲದೆ ಈಗ ತಾರ್ಕಿಕ ವ್ಯತ್ಯಾಸದ ನೆಪ ಹೇಳಿ ಬೆಂಗಳೂರಿನ ಸುಮಾರು 24.06 ಲಕ್ಷ ಮತದಾರರಿಗೆ ನೋಟೀಸ್ ಜಾರಿ ಮಾಡಲಾಗಿದೆ.
24.06 ಲಕ್ಷಕ್ಕೂ ಅಧಿಕ ಮತದಾರರಿಗೆ ‘ಲಾಜಿಕಲ್ ಡಿಸಿಕ್ರಪನ್ಸಿ’ ಮತ್ತು ಮ್ಯಾಪಿಂಗ್ ಆಗಿಲ್ಲ ಎಂಬ ನೆಪದಲ್ಲಿ ನೋಟಿಸ್ ನೀಡಲಾಗಿದೆ. ಈ ಪೈಕಿ ಎಷ್ಟು ಜನರ ಹೆಸರುಗಳು ಅಂತಿಮವಾಗಿ ಪಟ್ಟಿಯಲ್ಲಿ ಉಳಿಯುತ್ತವೆ ಮತ್ತು ಎಷ್ಟು ಜನರ ಹೆಸರುಗಳು ಕಡಿತಗೊಳ್ಳುತ್ತವೆ (Deletion) ಎಂಬುದರ ಆಧಾರದ ಮೇಲೆ ಪ್ರತಿಯೊಂದು ಕ್ಷೇತ್ರದ ಮತಸಮೀಕರಣಗಳು ಸಂಪೂರ್ಣವಾಗಿ ಬದಲಾಗಲಿವೆ.
ಬೆಂಗಳೂರಿನ ಅನೇಕ ಕ್ಷೇತ್ರಗಳಲ್ಲಿ ಪ್ರಮುಖ ರಾಜಕೀಯ ಪಕ್ಷಗಳು ತಮ್ಮದೇ ಆದ ಶೇಕಡಾವಾರು ಮತಬ್ಯಾಂಕ್ (ವಲಸೆ ಕಾರ್ಮಿಕರು, ಅಲ್ಪಸಂಖ್ಯಾತರು, ಬಡ ಮತ್ತು ಮಧ್ಯಮ ವರ್ಗ) ನೆಚ್ಚಿಕೊಂಡಿರುತ್ತವೆ. ಈಗ ಸಾಫ್ಟ್ವೇರ್ ಆಧಾರಿತವಾಗಿ ನೋಟಿಸ್ಗಳು ಜಾರಿಯಾಗಿರುವುದರಿಂದ, ದಾಖಲೆ ನೀಡಲಾಗದೆ ಈ ವರ್ಗದ ಮತಗಳು ಕಡಿತಗೊಂಡರೆ ಅದು ನೇರವಾಗಿ ಆಯಾ ಕ್ಷೇತ್ರದ ಸೋಲು-ಗೆಲುವಿನ ಮೇಲೆಯೇ ಪರಿಣಾಮ ಬೀರಲಿದೆ.
ASDDO (ಅಬ್ಸೆಂಟ್, ಶಿಫ್ಟೆಡ್, ಡೆಡ್, ಡುಪ್ಲಿಕೇಟ್ & ಅದರ್ಸ್) ಹಾಗೂ ‘Logical Discrepancy’ ಎಂಬ ತಾಂತ್ರಿಕ ಹೆಸರುಗಳ ಅಡಿಯಲ್ಲಿ ನಿಜವಾದ, ಅರ್ಹ ಮತದಾರರ ಹಕ್ಕು ಕಸಿಯಲ್ಪಡುತ್ತಿರುವುದು ನಿಜಕ್ಕೂ ಕಳವಳಕಾರಿ. ಮತದಾನದ ಪ್ರಮಾಣ ಕಡಿಮೆಯಾಗುವ ಬೆಂಗಳೂರಿನಂತಹ ನಗರದಲ್ಲಿ ಮತದಾರರನ್ನು ಪಟ್ಟಿಗೆ ಸೇರಿಸುವ ಬದಲು, ತಾಂತ್ರಿಕ ಲೋಪಗಳ ನೆಪವೊಡ್ಡಿ ಪಟ್ಟಿಯಿಂದ ಹೊರಗಿಡುವುದು ರಾಜಕೀಯ ಪಕ್ಷಗಳಿಗಿಂತಲೂ ಹೆಚ್ಚಾಗಿ ಮತದಾರನಿಗೇ ದೊಡ್ಡ ನಷ್ಟ.
ಹಾಗಾಗಿ, ಈಗಲೇ ಯಾವುದೇ ರಾಜಕೀಯ ಪಕ್ಷಕ್ಕೆ ಲಾಭ ಅಥವಾ ನಷ್ಟ ಎಂದು ತೀರ್ಮಾನಿಸಲು ಸಾಧ್ಯವಿಲ್ಲ. ಅಂತಿಮ ಮತದಾರರ ಪಟ್ಟಿ ಬಿಡುಗಡೆಯಾದಾಗ ಯಾವ ಬೂತ್ಗಳಲ್ಲಿ ಮತ್ತು ಯಾವ ಸಮುದಾಯಗಳ ಮತಗಳು ಹೆಚ್ಚಾಗಿ ಕಡಿತಗೊಂಡಿವೆ ಎಂಬ ಅಂಕಿಸಂಖ್ಯಾ ವಿಶ್ಲೇಷಣೆಯಿಂದಷ್ಟೇ ಅಸಲಿ ರಾಜಕೀಯ ಚಿತ್ರಣ ಹೊರಬರಲಿದೆ.
