ಅಲ್ಪಸಂಖ್ಯಾತರ ಇಲಾಖೆಯ ವಿದ್ಯಾರ್ಥಿ ವೇತನದಲ್ಲಿ ಭಾರೀ ಹಗರಣ ನಡೆದಿದ್ದು, 830 ನಕಲಿ ಸಂಸ್ಥೆಗಳು ಇದರ ಲಾಭ ಪಡೆದಿದೆ. 2017-22ರ ಅವಧಿಯಲ್ಲಿ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯಕ್ಕೆ ಇದರಿಂದಾಗಿ ಸುಮಾರು 144 ಕೋಟಿ ನಷ್ಟ ಉಂಟಾಗಿದೆ ಇದೀಗ ಸಿಬಿಐನಲ್ಲಿ ಪ್ರಕರಣ ದಾಖಲಿಸಲಾಗಿದೆ.
ಈ ಕುರಿತು ಬ್ಯಾಂಕ್ಗಳು, ಸಂಸ್ಥೆಗಳು ಮತ್ತು ಇತರ ಅಪರಿಚಿತರ ವಿರುದ್ಧ ಕ್ರಿಮಿನಲ್ ಪಿತೂರಿ, ವಂಚನೆ, ಫೋರ್ಜರಿ ಮತ್ತು ಭ್ರಷ್ಟಾಚಾರ ತಡೆ ಕಾಯ್ದೆಯ ನಿಬಂಧನೆಗಳ ಐಪಿಸಿ ಸೆಕ್ಷನ್ಗಳ ಅಡಿಯಲ್ಲಿ ಎಫ್ಐಆರ್ ದಾಖಲಿಸಲಾಗಿದೆ ಎಂದು ಅಧಿಕಾರಿಯೋರ್ವರು ತಿಳಿಸಿದ್ದಾರೆ.
ವಿದ್ಯಾರ್ಥಿವೇತನದ ಯೋಜನೆಗಳ ಅಡಿಯಲ್ಲಿ ಹಣಕಾಸಿನ ದುರುಪಯೋಗದ ಕುರಿತ ವರದಿಗಳನ್ನು ಪರಿಗಣಿಸಿ, ಸಚಿವಾಲಯವು ನ್ಯಾಷನಲ್ ಕೌನ್ಸಿಲ್ ಆಫ್ ಅಪ್ಲೈಡ್ ಎಕನಾಮಿಕ್ ರಿಸರ್ಚ್ (NCAER) ಸಂಸ್ಥೆಗೆ ಮೌಲ್ಯಮಾಪನಕ್ಕೆ ಸೂಚಿಸಿತ್ತು.
ಇದಲ್ಲದೆ ಸಚಿವಾಲಯವು ಅನುಮಾನಾಸ್ಪದ ಸಂಸ್ಥೆಗಳು/ಅರ್ಜಿದಾರರ ಬಗ್ಗೆ ರಾಷ್ಟ್ರೀಯ ವಿದ್ಯಾರ್ಥಿವೇತನ ಪೋರ್ಟಲ್ (ಎನ್ಎಸ್ಪಿ) ಮೂಲಕ ಮೌಲ್ಯಮಾಪನವನ್ನು ನಡೆಸಿದೆ ಎಂದು ಸಚಿವಾಲಯವು ತನ್ನ ದೂರಿನಲ್ಲಿ ತಿಳಿಸಿದೆ.
ಎನ್ಎಸ್ಪಿಯಲ್ಲಿ ಮೌಲ್ಯಮಾಪನಕ್ಕಾಗಿ ಒಟ್ಟು 1,572 ಸಂಸ್ಥೆಗಳನ್ನು ಗುರುತಿಸಲಾಗಿತ್ತು. 21 ರಾಜ್ಯಗಳ 1,572 ಸಂಸ್ಥೆಗಳಲ್ಲಿ, 830 ಸಂಸ್ಥೆಗಳು ನಕಲಿ ಅಥವಾ ಭಾಗಶಃ ನಕಲಿ ಎಂದು ಕಂಡುಬಂದಿದೆ ಎಂದು ಇಲಾಖೆ ಹೇಳಿದೆ.
ಈ ವಂಚನೆಯಿಂದ 2017ರಿಂದ 22ರವರೆಗೆ 830 ಸಂಸ್ಥೆಗಳಿಂದ 144.33ಕೋಟಿ ಅಲ್ಪಸಂಖ್ಯಾತರ ಇಲಾಖೆಯ ಖಜಾನೆಗೆ ನಷ್ಟವಾಗಿದೆ ಎಂದು ಇಲಾಖೆ ಅಂದಾಜಿಸಿದೆ.
ಇದನ್ನು ಓದಿ: ದಲಿತ ಎಂಬ ಕಾರಣಕ್ಕೆ ನನಗೆ ತಾರತಮ್ಯ ಮಾಡುತ್ತಿದ್ದಾರೆ: ಹಿರಿಯ ಐಎಎಸ್ ಅಧಿಕಾರಿ ಆರೋಪ
