ರಾಜ್ಯದ ಸಾಂಸ್ಕ್ರತಿಕ ನಗರಿ ಮೈಸೂರು ಹಾಗೂ ಕಡಲನಗರಿ ಮಂಗಳೂರು ನಡುವೆ ಮೊದಲ ಬಾರಿಗೆ ಏರ್ ಇಂಡಿಯಾದ ಅಲಯನ್ಸ್ ಸಂಸ್ಥೆ ಡಿಸೆಂಬರ್ 10 ರಿಂದ ವಿಮಾನ ಸೇವೆ ಆರಂಭಿಸಲಿದೆ.
ವಾರದಲ್ಲಿ ನಾಲ್ಕು ದಿನ ಅಂದರೆ ಬುಧವಾರ, ಶುಕ್ರವಾರ, ಶನಿವಾರ ಮತ್ತು ಭಾನುವಾರದಂದು ವಿಮಾನ ಸೇವೆ ಲಭ್ಯವಿದ್ದು, ಬೆಳಿಗ್ಗೆ 11 ಗಂಟೆ 15 ನಿಮಿಷಕ್ಕೆ ಮೈಸೂರಿನಿಂದ ವಿಮಾನ ಹೊರಟರೆ ಮಧ್ಯಾಹ್ನ 12 ಗಂಟೆ 15 ನಿಮಿಷಕ್ಕೆ ಮಂಗಳೂರು ತಲುಪಲಿದೆ.
ಮತ್ತೆ ಮಂಗಳೂರಿನಿಂದ ಮಧ್ಯಾಹ್ನ 12 ಗಂಟೆ 40 ನಿಮಿಷಕ್ಕೆ ಹೊರಟು 1 ಗಂಟೆ 40 ನಿಮಿಷಕ್ಕೆ ಮೈಸೂರಿಗೆ ಬಂದು ತಲುಪಲಿದೆ. ಈ ವಿವರಗಳನ್ನು ಮೈಸೂರು ಸಂಸದ ಪ್ರತಾಪ್ ಸಿಂಹ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
Thank you beloved PM @narendramodi ji and @HardeepSPuri Sir. ALLIANCE AIR COMMENCES FLIGHT OPERATIONS CONNECTING MYSURU TO MANGALORE EFFECTIVE 10TH DECEMBER 2020
The flight will operate on Wednesday, Friday, Saturday & Sunday.— Pratap Simha (@mepratap) November 21, 2020
ವಿಮಾನಯಾನವು ಸರ್ಕಾರದ ಎಲ್ಲಾ ಮಾರ್ಗಸೂಚಿಗಳಿಗೆ ಬದ್ಧವಾಗಿದೆ ಮತ್ತು ನಾಗರಿಕ ವಿಮಾನಯಾನ ಸಚಿವಾಲಯ ಹೊರಡಿಸಿದ ಎಲ್ಲಾ ಪ್ರಮಾಣಿತ ಕಾರ್ಯಾಚರಣಾ ವಿಧಾನಗಳನ್ನು (ಎಸ್ಒಪಿ) ಅನುಸರಿಸುತ್ತದೆ . ಜೊತೆಗೆ ಚೆಕ್-ಇನ್, ಬೋರ್ಡಿಂಗ್ ಸಮಯದಲ್ಲಿ ವಿಮಾನದೊಳಗೆ ಅಗತ್ಯವಾದ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತದೆ. ಪ್ರತಿ ಹಾರಾಟದ ನಂತರ ವಿಮಾನಗಳನ್ನು ಕಟ್ಟುನಿಟ್ಟಾಗಿ ಸೋಂಕುರಹಿತಗೊಳಿಸಲಾಗುತ್ತಿದೆ ಎಂದು ಮಾಹಿತಿ ದೊರೆತಿದೆ.