ಅಮೆರಿಕ ಮತ್ತು ವೆನೆಜುವೆಲಾ ನಡುವೆ ಉದ್ವಿಗ್ನತೆ ಹೆಚ್ಚುತ್ತಿರುವಂತೆ, ಈ ಸಂಘರ್ಷವು ಭಾರತದ ತೈಲ ಆಮದು ಮಸೂದೆ ಮತ್ತು ವ್ಯಾಪಾರ ಸಂಬಂಧಗಳ ಮೇಲೆ ಪರಿಣಾಮ ಬೀರಬಹುದೇ ಎಂಬ ವಿಶ್ಲೇಷಣೆಗಳು ನಡೆಯುತ್ತಿವೆ.
ವೆನೆಜುವೆಲಾ ದೇಶದ ಅಧ್ಯಕ್ಷ ನಿಕೋಲಸ್‌ ಮಡುರಾವೋ ಮತ್ತು ಅವರ ಪತ್ನಿಯನ್ನು ಅಮೇರಿಕಾದ ಸೈನ್ಯ ಅಪಹರಿಸಿದೆ. ಅಮೇರಿಕಾವು ವಿಶ್ವದ ದೇಶಗಳ ಮೇಲೆ ಹತೋಟಿ ಸಾಧಿಸಲು ಬಯಸುತ್ತಿದೆ. ಇದರ ಮೂಲಕ ವಿಶ್ವದಲ್ಲಿ ಯಾವುದೇ ದೇಶದ ಆಂತರಿಕ ಪ್ರಜಾಪ್ರಭುತ್ವವನ್ನು ಕಸಿದುಕೊಳ್ಳಬಹುದು ಎಂಬ ಸಂದೇಶವನ್ನು ವಿಶ್ವಕ್ಕೆ ರವಾನಿಸಿದೆ. ಇದರ ಬೆನ್ನಲ್ಲೇ ಅಂತರಾಷ್ಟ್ರೀಯ ವ್ಯಾಪಾರದ ಮೇಲೆ ಆಗುವ ಪರಿಣಾಮಗಳ ಕುರಿತು ಸಾಕಷ್ಟು ಚರ್ಚೆಗಳು ಆರಂಭವಾಗಿವೆ. ಇದೇ ಸಮಯದಲ್ಲಿ ಭಾರತದ ಮೇಲಾಗುವ ಆರ್ಥಿಕ ಪರಿಣಾಮಗಳ ಕುರಿತು ದೇಶದ ಆರ್ಥಿಕ ತಜ್ಞರು ಕಳವಳ ವ್ಯಕ್ತಪಡಿಸುತ್ತಿದ್ದಾರೆ.
ತೈಲ ಆಮದಿನ ಮೇಲಾನಗುವ ಪರಿಣಾಮಗಳು
ಭಾರತವು ವೆನೆಜುವೆಲಾ ದೇಶದ ಮುಖ್ಯ ತೈಲ ಆಮದು ದೇಶವಾಗಿದೆ. ಇಂಡಿಯನ್ ಆಯಿಲ್ ಕಾರ್ಪೋಟರೇಶನ್‌, ಓಎನ್‌ಜಿಸಿ ಹಾಗೂ ರಿಲಯನ್ಸ್ ಇಂಡಸ್ಟ್ರೀಸ್, ಆಯಿಲ್ ಇಂಡಿಯಾ ಹಾಗೂ ಮಂಗಳೂರಿನ ಎಂಆರ್‌ಪಿಎಲ್‌ ಸಂಸ್ಥೆಗಳು ವೆನೆಜುವೆಲಾದಿಂದ ತೈಲವನ್ನು ಆಮದು ಮಾಡಿಕೊಳ್ಳುತ್ತಿದ್ದವು. ಪ್ರಸ್ತುತ,
ರಷ್ಯಾ ಭಾರತಕ್ಕೆ ಪ್ರಮುಖ ತೈಲ ಆಮದು ತಾಣವಾಗಿದೆ. 2000 ಮತ್ತು 2010 ರ ದಶಕಗಳಲ್ಲಿ ಭಾರತವು ವೆನೆಜುವೆಲಾದ ಕಚ್ಚಾ ತೈಲದ ಪ್ರಮುಖ ಖರೀದಿದಾರನಾಗಿತ್ತು. ಆದಾಗ್ಯೂ, ಅಮೆರಿಕದ ನಿರ್ಬಂಧಗಳಿಂದಾಗಿ 2019 ರಿಂದ ಎರಡು ದೇಶಗಳ ಸಂಬಂಧವು ತೀವ್ರವಾಗಿ ದುರ್ಬಲಗೊಂಡಿದೆ, ಇದು ಭಾರತವು ತೈಲ ಆಮದುಗಳನ್ನು ಕಡಿತಗೊಳಿಸಲು ಮತ್ತು ದ್ವಿತೀಯ ನಿರ್ಬಂಧಗಳನ್ನು ತಪ್ಪಿಸಲು ವಾಣಿಜ್ಯ ಚಟುವಟಿಕೆಯನ್ನು ಕಡಿಮೆ ಮಾಡಲು ಮುಂದಾಗಿತ್ತು.
ವೆನೆಜುವೆಲಾ ವಿಶ್ವದ ತೈಲ ನಿಕ್ಷೇಪಗಳಲ್ಲಿ ಸುಮಾರು 18% ಅನ್ನು ಹೊಂದಿದ್ದು, ಸೌದಿ ಅರೇಬಿಯಾ (ಸುಮಾರು 16%), ರಷ್ಯಾ (ಸುಮಾರು 5-6%) ಅಥವಾ ಯುನೈಟೆಡ್ ಸ್ಟೇಟ್ಸ್ (ಸುಮಾರು 4%) ಗಿಂತ ಹೆಚ್ಚು, ONGC ವಿದೇಶ್, ಇಂಡಿಯನ್ ಆಯಿಲ್ ಕಾರ್ಪೊರೇಷನ್, ಆಯಿಲ್ ಇಂಡಿಯಾ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್‌ನಂತಹ ತೈಲ ಕಂಪನಿಗಳು ತೈಲ ಖರೀದಿಸುತ್ತಿವೆ.
ONGC ವಿದೇಶ್ (OVL) ವೆನೆಜುವೆಲಾದ ಎರಡು ತೈಲ ಯೋಜನೆಗಳಲ್ಲಿ ಈಕ್ವಿಟಿ ಪಾಲನ್ನು ಹೊಂದಿದೆ, ಇದು ದೇಶದಲ್ಲಿ ಭಾರತದ ಅತ್ಯಂತ ನೇರವಾದ ಅಪ್‌ಸ್ಟ್ರೀಮ್ ಮಾನ್ಯತೆಗಳಲ್ಲಿ ಒಂದಾಗಿದೆ. ಇಂಡಿಯನ್ ಆಯಿಲ್ ಕಾರ್ಪೊರೇಷನ್ (IOC) ವೆನೆಜುವೆಲಾದ ಕ್ಯಾರಬೊಬೊ ಹೆವಿ-ಆಯಿಲ್ ಯೋಜನೆಯಲ್ಲಿ ಒಕ್ಕೂಟದ ಪಾಲುದಾರರಾಗಿದ್ದು, ಈಕ್ವಿಟಿ ಭಾಗವಹಿಸುವಿಕೆಯ ಮೂಲಕ ಮಾನ್ಯತೆಯನ್ನು ಹೊಂದಿದೆ. ರಿಲಯನ್ಸ್ ಇಂಡಸ್ಟ್ರೀಸ್ ಐತಿಹಾಸಿಕವಾಗಿ ವೆನೆಜುವೆಲಾದ ಕಚ್ಚಾ ತೈಲದ ಪ್ರಮುಖ ಆಮದುದಾರರಾಗಿದ್ದರೆ, ನಯಾರಾ ಎನರ್ಜಿ ಕೂಡ ಹಿಂದೆ ವೆನೆಜುವೆಲಾದಿಂದ ಭಾರೀ ಪ್ರಮಾಣದ ಕಚ್ಚಾ ತೈಲವನ್ನು ಆಮದು ಮಾಡಿಕೊಂಡಿದೆ. ವರದಿಗಳ ಪ್ರಕಾರ, ಮಂಗಳೂರು ಸಂಸ್ಕರಣಾಗಾರ ಮತ್ತು ಪೆಟ್ರೋಕೆಮಿಕಲ್ಸ್ (MRPL) ಐತಿಹಾಸಿಕವಾಗಿ ವೆನೆಜುವೆಲಾದ ತೈಲವನ್ನು ಸಹ ಪಡೆದುಕೊಂಡಿದೆ.
ಔಷಧ ವಲಯದ ಮೇಲೆ ಪ್ರಭಾವ.
ಭಾರತದಿಂದ ವೆನೆಜುವೆಲಾಗೆ $95.3 ಮಿಲಿಯನ್ ರಫ್ತಾಗಿದ್ದು , ಇದರಲ್ಲಿ $41.4 ಮಿಲಿಯನ್ ಮೌಲ್ಯದ ಔಷಧಗಳು ಸೇರಿವೆ. ಭಾರತೀಯ ಔಷಧ ಕಂಪನಿಗಳು ವೆನೆಜುವೆಲಾ ಜೊತೆ ಸಂಬಂಧ ಹೊಂದಿವೆ. ಸನ್ ಫಾರ್ಮಾ ವೆನೆಜುವೆಲಾ ದೇಶದಲ್ಲಿ ನೋಂದಾಯಿತ ಅಂಗಸಂಸ್ಥೆಯನ್ನು ಹೊಂದಿದ್ದರೆ, ಡಾ. ರೆಡ್ಡೀಸ್ ಲ್ಯಾಬೋರೇಟರೀಸ್ ಈ ಹಿಂದೆ ಅಂಗಸಂಸ್ಥೆಯನ್ನು ಹೊಂದಿತ್ತು ಆದರೆ 2024 ರಲ್ಲಿ ತನ್ನ ಸಂಪೂರ್ಣ ಪಾಲನ್ನು ಮಾರಾಟ ಮಾಡಿತ್ತು. ಸಿಪ್ಲಾ ಐತಿಹಾಸಿಕವಾಗಿ ವೆನೆಜುವೆಲಾಗೆ ಅಗತ್ಯ ಔಷಧಿಗಳನ್ನು ರಫ್ತು ಮಾಡಿದೆ ಮತ್ತು ಗ್ಲೆನ್‌ಮಾರ್ಕ್ ಫಾರ್ಮಾ ತನ್ನ ಸ್ಥಳೀಯವಾಗಿ ನೋಂದಾಯಿತ ಅಂಗಸಂಸ್ಥೆಯ ಮೂಲಕ ದೇಶದಲ್ಲಿ ಕಾರ್ಯನಿರ್ವಹಿಸುತ್ತದೆ.
ಆಟೋ ವಲಯದ ಪ್ರಭಾವ.
ವರದಿಗಳ ಪ್ರಕಾರ, ಬಜಾಜ್ ಆಟೋ ವೆನೆಜುವೆಲಾಗೆ ತನ್ನ ಒಟ್ಟು ವಿದೇಶಿ ಸಾಗಣೆಯಲ್ಲಿ ಶೇ. 1 ಕ್ಕಿಂತ ಕಡಿಮೆ ರಫ್ತು ಮಾಡಿದೆ ಎಂದು ಹೇಳಿದೆ. ವೆನೆಜುವೆಲಾದಲ್ಲಿ ಭಾರತದ ಪಲ್ಸರ್ ಮತ್ತು ಬಾಕ್ಸರ್ ಬಹಳ ಜನಪ್ರಿಯವಾಗಿವೆ, ಆದರೆ ಈ ರಫ್ತುಗಳು ಒಟ್ಟು ರಫ್ತಿನ 1% ಕ್ಕಿಂತ ಕಡಿಮೆ ಎಂದು ಬಜಾಜ್ ಆಟೋ ತಿಳಿಸಿದೆ.
#Venezuela #America #indianEconomy #Impact
ಕಾರ್ಯಕಾರಿ ಸಂಪಾದಕ, ನಾನುಗೌರಿ.ಕಾಮ್
