ಟ್ವಿಟ್ಟರ್ ಬಳಕೆದಾರರಿಗೆ ನಿನ್ನೆಯಷ್ಟೇ ಶಾಕ್ ನೀಡಿದ್ದ ಸಂಸ್ಥೆಯ ಮುಖ್ಯಸ್ಥ ಎಲಾನ್ ಮಸ್ಕ್‌ ಇದೀಗ ಸಿಹಿ ಸುದ್ದಿ ನೀಡಿದ್ದಾರೆ. ದೈನಂದಿನ ಟ್ವೀಟ್‌ಗಳ ಓದುವಿಕೆ ಮಿತಿಯನ್ನು ಹೆಚ್ಚಿಸಲಾಗುವುದು ಎಂದು ಮಾಲೀಕ ಎಲಾನ್ ಮಸ್ಕ್‌ ತಿಳಿಸಿದ್ದಾರೆ.
”ಟ್ವಿಟ್ಟರ್‌ನಿಂದ ಪರಿಶೀಲಿಸಿದ ಖಾತೆ (Twitter Verified Accounts) ಹೊಂದಿರುವವರು ನಿತ್ಯ 6,000 ಪೋಸ್ಟ್ ಮಾತ್ರ ವೀಕ್ಷಿಸಲು ಅಥವಾ ಓದಲು ಅವಕಾಶವಿದೆ. ಪರಿಶೀಲನೆಯಾಗದ ಖಾತೆದಾರರು ನಿತ್ಯ 600 ಮಾತ್ರ ವೀಕ್ಷಿಸಿ ಓದಲು ಅವಕಾಶವಿದೆ. ಅದೇ ರೀತಿ ಹೊಸದಾಗಿ ಖಾತೆ ಆರಂಭಿಸಿ ಪರಿಶೀಲನೆಯಾಗದ ಖಾತೆದಾರರು 300 ಪೋಸ್ಟ್‌ಗಳ ವೀಕ್ಷಣೆಗೆ ಮಿತಿ ಹೇರಲಾಗಿದೆ” ಎಂದು ಶನಿವಾರ ಎಲಾನ್ ಮಸ್ಕ್‌ ಹೇಳಿದ್ದರು.
To address extreme levels of data scraping & system manipulation, we’ve applied the following temporary limits:
– Verified accounts are limited to reading 6000 posts/day
– Unverified accounts to 600 posts/day
– New unverified accounts to 300/day— Elon Musk (@elonmusk) July 1, 2023
ಎಲಾನ್ ಮಸ್ಕ್‌ ಅವರು, ಭಾನುವಾರ ಮತ್ತೊಂದು ಟ್ವಿಟ್ ಮಾಡಿದ್ದು, ಟ್ವಿಟ್ಟರ್ ಬಳಕೆದಾರರ ದೈನಂದಿನ ಟ್ವಿಟರ್‌ಗಳ ಓದುವಿಕೆ ಮಿತಿಯನ್ನು ಹೆಚ್ಚಿಸಲಾಗುವುದು ಎಂದು ಹೇಳಿದ್ದಾರೆ.
”ಪರಿಶೀಲಿಸಿದ ಖಾತೆ (Twitter Verified Accounts) ಮಿತಿಯನ್ನು 8,000, ವೆರಿಫೈ ಆಗದ ಖಾತೆಗಳಿಗೆ 500 ಮತ್ತು ವರಿಫೈ ಆಗದ ಹೊಸ ಖಾತೆಗಳ ಮಿತಿ 400ಕ್ಕೆ ಹೆಚ್ಚಿಸಲಾಗುವುದು” ಎಂದು ಅವರು ಹೇಳಿದ್ದಾರೆ.
ಇದಾದ ಕೆಲವು ಗಂಟೆಗಳ ನಂತರ ಮತ್ತೊಂದು ಟ್ವಿಟ್ ಮಾಡಿರುವ ಅವರು, ”ಈಗ 10k, 1k & 0.5k”ಎಂದು ಪೋಸ್ಟ್ ಮಾಡಿದ್ದಾರೆ.
Now to 10k, 1k & 0.5k
— Elon Musk (@elonmusk) July 1, 2023
